| Lektez! |
- 20 laboranti di ula Chiniana kompanio mustis ye februaro 2013 kurar mi-nude en frosto, pro ke li ne satisfacis la rezultajo-skopo. La viri kuris dek kilometri, la muliero kuris kin kilometri. (Novajerio di Press Trust of India, Peking, en februaro 2013.)
- 47 po cent de la mondala wiskio vendesas en India, 50 po cent de tequilo vendesas en Usa, 45 po cent de votko vendesas en Rusia. (Internaciona alkoholo-studio, Bloomberg Businessweek, Nova York, en decembro 2012.)
- 178 homi volis esor employato kom linchero en la Sri-Lankana karceri ye septembro 2012. Du ek la selektiti lernis en la dusemana kurso ye februaro 2013. Antea lincheri nulatempe exekutis ula reala pendo. (Internacionala novajerii, en februaro 2013.)
- 6700 homi studiis facar l’Italiana glaciajo, gelato, en l’universitato di Bologna inter la yari 2010 e 2012. Bazala kurso unsemana kustas 1200 €. (The Economist, London, en januaro 2013.)
- 954.000.000 US$ esis la vinko di la redakterio di The New York Times, quon ol recevis de la aboni dum 2012. Lo esis l’unesma foyo en la 162-yara historio di la jurnalo, kande la vinko del aboni superesis la vinko de la reklamado e de la vendado di senabonala numeri. Oli esis 898.000.000 US$. (AFP-novajerio, Nova York, en februaro 2013.)
|
|
Eventi en historio
Ye 6 di aprilo …
1889. En Usa, George Eastman komencis vendar la "Kodak Camera No. 1": ca kamero, la unesma qua utiligis rul-filmo, esis por ne-profesionali; til ta tempo, fotografado esis profesionala agado. La rul-filmo esis patentizita da Eastman en 1884. Kamero nro 1 kustis 10 dolari; ol esis ligna aparato qua prenis ronda fotografuri. Ol esis sucesoza, e plu tarde en 1889 aparis "Kodak Camera No. 2", qua esis plu mikra e plu chipa. Eastman (1854–1932) cesis diale direktar sua Kodak-kompanio en 1925, e lua tempo divenis precipue okupata da filantropala agadi.
1896. La unesma Olimpiala ludi di la moderna ero esis apertata. Ol eventis en Athina; ca loko selektesis dum kongreso en Paris ye 18 junio 1894. Pierre de Coubertin, qua aranjis la kongreso, esis Franca aristokrato e historiisto qua havis intereso pri korpala edukado en skoli, e pri anciena Grekia. La apertala ceremonio eventis ye la modernigita Panathinaiko Stadio (ube, en anciena ero, eventabis atletala konkursi); asistis cirkume 80.000 spektanti, inkluzanta la Greka rejala familio. Muziko por la okaziono esis pleata da plura grupi de muzikisti e kori. (Esis nula Olimpiala flamo, qua aparis unesmafoye en la Ludi di 1928.) En sequanta dii esis eventi pri non sporti, inkluzanta biciklo-vehado, gimnastikado, teniso e pezajo-elevado. La klozala ceremonio eventis ye 15 di aprilo.
1973. Ye Cape Canaveral, Usa lansesis la kosmoprobilo Pioneer 11. Ol esis la duesma probilo qua flugis trans la orbito di Marso. Pioneer 10, lansita en 1972, studiis Jupitero quan ol pasis en decembro 1973, e pose flugis ek la sunala sistemo sen renkontrar plusa planeti; komuniki kun la probilo duris til januaro 2003. Pioneer 11 pasis Jupitero en decembro 1974, 42.760 km de la nubi di la planeto ye maxim apuda; ol utiligis la graviteso di Jupitero por establisar voyo a Saturno, quan ol pasis en septembro 1979; ol studiis la ringi di Saturno, deskovrante nova ringo. Pri amba planeti la probilo prenis fotografuri, ed ol notis magnetala feldo, temperaturo ed altraji. En februaro 1990, irante vers la bordo di la sunala sistemo, ol transiris la orbito di Neptuno; komuniki cesis en novembro 1995. Ol portas plako kun mesajo por irga inteligenti qui trovus ol.
|
|
| Kunlaborez! |
|
Marilyn Monroe (n. Norma Jean Baker) (1926 til 1962) esis Usana cinemo-aktoro ikonatra.
Víctor Jara (1932 til 1973) esis Chiliana kantisto, kompozisto e direktisto di teatro.
Asturiana linguo esas Latinida linguo parolata en Asturia. Ol esas la nomo di Astur-Leoniana linguaro en Asturia ed anke kontenas Leoniana linguo, parolata en Leon e Zamora, e Mirandana linguo, parolata en Miranda do Douro en Portugal. Lua gramatiko, vortaro ed ortografio regulesas da Akademio di l'Asturiana linguo e, quankam ne havas oficaleso, lego regulas lua uzo en Asturia.
Landi qua esas membri di internaciona kriminala korto (en verda). En oranjea, landi qua signis pakto por divenar membri, ma ne ratifikis ol til nun.
Internaciona kriminala korto (en Franciana cour pénale internationale, en Angliana International Criminal Court) esas internaciona organizuro kreita por judiciar individui pro krimini kom genocidio, krimini kontre homeso, militokrimini ed atakomiliti, malgre nune ol ne povas exercar judiciala resortiso pri atako militi. La korto esis establisita ye 1998 ma komencis funcionar ye 1 di julio 2002. Lua sideyo jacas en Den Haag, Nederlando.
|
|
.jpg)
