Pomor na riba vo Radoviska reka KANAL 5 TV 24.07.2010 Се јадосаа радовишани од глетката која преку мобилен ни ја доставија нам. Каде и да погледнеш угината риба. Стотици килограми лежат на речното дно, а остатокот, водите ги однеле. По две децении ова е прва еколошка хаварија на Радовишка река. - Радовишка река е една од еколошко најчистите реки во Македонија. По течението на реката немаме никакви големи индустриски капацитети кои би можеле да бидат потенцијални загадувачи и сериозна закана за речниот жив свет. Затоа и поморот овие два дена кои и се случи на реката е навистина чуден. Се прашуваме што е предизвикувачот за угинување на стотини килограми риба, кој подобар дел поради брзите речни струи веќе е однесен - вели претседателот на радовишкото риболовно друштво Васе Здравков. Екологистите и мештаните најостро го осудија за нив злосторничкиот чин врз живиот речен свет. - Срамота - зарем и најчистата река во овој регион и една од најеколошките македонски ресурси дојде на ред да се уништува. Веднаш ги информиравме надлежните и чекаме брза реакција и остра казна за строителите -убијци на живиот свет во Радовишка река -- вели претседателот на радовишкото еколошко друштво Иле Кукутанов. Примероци од мртвите риби, еко инспекторатот испратил до надлежните институции за анализа. Резултатите, поради годишните одмори, се очекуваат за неполн месец. Дејан Ефремов -- дописник од Штип