Portada

sábado, 5 de xaneiro de 2013

Benvido(a) á Galipedia,

a versión en galego da Wikipedia. Este é un proxecto internacional feito por voluntarios, co propósito de facer unha enciclopedia libre, accesible, colaborativa e de balde en moitos idiomas. O obxectivo é a plena transmisión da sabedoría e o coñecemento sen restricións editoriais nin comerciais. O desenvolvemento da Wikipedia está aberto a toda persoa interesada en contribuír.

Nesta versión galega, que comezou o 8 de marzo de 2003, xa temos 95.652 artigos.

Benvida COMOs Preguntas frecuentes Comunidade Políticas Artigos de calidade Axuda

Sobre Galicia
A Universidade de Santiago de Compostela (USC) é unha institución universitaria con sede en Santiago de Compostela. As súas orixes datan de finais do século XV, sendo a primeira Universidade fundada en Galiza e a sexta en España. Porén, non hai unanimidade nas datas de fundación das universidades españolas. Uns consideran a fundación como o momento no que se instauran algún tipo de estudos, segundo este criterio a USC fúndase en 1495, o que a converte na sexta universidade española máis antiga despois das de Salamanca, Complutense, Valladolid, Barcelona e Zaragoza. Outros toman como data fundacional o ano en que é recoñecida pola Igrexa ou algunha Autoridade civil, de acordo con este criterio a USC foi fundada en 1504 pero continúa sendo a sexta máis antiga de España gañando en antigüidade á de Zaragoza mais perdéndoa coa de Valencia.
Vexa tamén o mes de xaneiro na cultura popular galega
Artigo destacado
O Encoro das Tres Gargantas (en chinés 长江三峡大坝) é un encoro no río Yangtzé en Sandouping, na provincia de Hubei, China. É un dos máis grandes encoros do mundo e, con 22.500 megawatts de enerxía hidroeléctrica instalada, desprazou neste eido do liderado mundial ao encoro de Itaipú no Brasil. Rematouse o 30 de outubro de 2008. O encoro construíuse para o control das inundacións, o regadío das terras próximas e a produción de electricidade. Porén, non se fixo sen problemas. Cubríu moitos lugares históricos e provocou o asolagamento dos fogares de 1.240.000 persoas. A súa cola chega case ata a cidade de Chongqing, 660 km río arriba.
Tal día como hoxe no ano...
Ramón María del Valle-Inclán. 1813, o Tribunal da Inquisición é suprimido polas Cortes de Cádiz. 1919, fúndase o Partido Nacional Socialista Alemán (NSDAP), ó que pertenceu Adolf Hitler. 1932, nace Umberto Eco, escritor italiano. 1936, morre en Santiago Ramón María del Valle-Inclán, escritor arousán. 1938, nace Xoán Carlos I, rei de España. Hoxe é a Noite de Reis.
Vexa máis efemérides do día de hoxe