Il-mod kif il-Maltapost kienet privatizzata flimkien mal-istrateġiji li wettqet wara l-privatizzazzjoni għamlu din il-privatizzazjzoni mudell. Privatizzazzjoni li dawret is-sitwazzjoni fil-posta Maltija minn waħda ta' telf għal waħda sostenibbli. Dan sostnih il-Ministru tal-Infrastruttura, it-Trasport u l-Komunikazzjoni Austin Gatt meta ppresieda l-inawgurazzjoni ta' vettura tradizzjonali u unika li ġiet mibdula biex isservi bħala uffiċju mobbli tal-MaltaPost. Fil-preżenza tal-uffiċjali tal-Maltapost, il-Ministru Gatt, li huwa responsabbli minn dan il-qasam, tkellem ukoll dwar is-servizzi ta' kwalita' li dejjem baqgħet toffri l-kumpanija Maltapost u spjega kif dan baqa' jsir minkejja l-kompetizzjoni kbira li l-posta qed tiffaċċja madwar id-dinja kollha minħabba t-teknoloġija tal-informazzjoni. Il-MaltaPost, sostna l-Ministru Gatt, hi storja ta' suċċess b'riżultat tal-viżjoni li din għandha. Jirriżulta l-Maltapost timmaniġġja 124000 oġġett postali kuljum. L-uffiċju mobbli l-ġdid tal-Maltapost se jkun fi scammel tractor tal-1965 li kien restawrat għall-istat oriġinali tiegħu biex issa dan se jkun qed idur fit-toroq Maltin joffri s-servizzi tal-posta madwar il-pajjiż. Oriġinarjament dan l-iscammel kien ta' Simonds Farsons Cisk fil-perjodu meta fil-pajjiż kienu jintużaw dawn it-tip ta' vetturi għall-ġarr tal-merkazija. Fil-ħidma ta' restawr, Manuel Cutajar, il-persuna li rrestawra l-iscammel żamm mal-istil oriġinali li kellha din il-vettura meta kienet tintuża fit-toroq ...

• published: 31 May 2012
• views: 46
• author: NETTVondemand