|
|
|
Mulud Mɛemmri, naɣ Mulud At Mɛammer s tifinaɣ ⵎⵓⵍⵓⴷ ⴰⵜ ⵎⴰⵎⵎⴰⵕ, d amyaru, d amdan yefkan azal ameqqran i yedles d tutlayt Tamaziɣt, d netta i d amezwaru i yeslemden Tamaziɣt di tesdawit n Dzayer.
Dda Lmulud ilul ass 28 dujember 1917 di Tewrirt Mimun deg Ayt Yanni di Tizi Uzzu. Yemmut ass 25 n furar 1989 di ɛin n Defla deg webrid n tuɣalin-is si Merruk..
Mulud At Mɛammer yelmed, imi yella d amecṭuḥ, deg uɣerbaz n taddart-is. Deg 1928 yemsafr-ed ɣer Lmrruk ɣef taxxamt n unat-is g Rbaṭ. Rebɛa iseggasen mbeɛd yuɣal-ed ɣer Lezzayer ad ikemmel almad ines deg uɣerbaz iwumi qqaren “Bugeaud” di temdint n Lezzayer; kra n iseggasen mbeɛd, imi ikeml-ed almad-is, yeǧǧa-d aneggaru agi ɣef yewin aɣerbaz nniden iwumi qqaren “Louis-le-Grand” di temdint n Paris iwakken ad yuɣal d aselmad.
Ẓer kter...
|
|
|
Itran imeqqranen iweṣṣfen "talɣemt":
sbaɛ yetran n Ursa Maior rnu-yasen Arcturus
|
Itran n Imucaɣ
Imucaɣ, tamusni-nsen af yetran d tameqqrant, imi d itran i tniheddun asmi ttinigen deg lxali. Ula d Imucaɣ ufan deg igenni tirbaɛin n yetran yecban zund kra n tteṣṣwiṛat, am akken i txedmen si zik igduden nniḍen deg tmura nniḍen. Lɛibad neɣ lḥiwan neɣ tiɣawsiwin ẓran deg igenni, yal yiwen deg-sen yesɛa tadyant-is.
|
|
|
Tawlaft n ass
|
|
|
|
|
| Asqamu Unnig n Timmuzɣa ( HCA), yettheggi-d yiwet n rreḥba n udlis amaziɣ di temdint n Tubiret, ara yebdun seg wass n 2 alamma d 7 di maggu 2009. D timlilit tis 3 di temnaḍt-agi, imi, ɣef leḥsab n wakken i ɣ-d-yenna, Hamid Bilek, yiwen seg yimḍebbren n usqamu-agi « Tubiret d tamnaḍt i iqeddcen deg unnar n yidles amaziɣ, teḥwaǧ timliliyin yecban tigi ». Rreḥba-agi, tewwi-d kra n umaynut, imi ad ilin warrazen ara yettunefken ama i ungal ara d-yifriren neɣ i wammud n tullizin. Arraz yettwaheggan ad yili ɣef yisem n Mohand ou yidir Ait Amrane, i yellan d aqerru ɣef usqamu unnig n timmuzɣa uqbel ad teccelqef tmettant. Am akken daɣen ara d-tessemlilit rreḥba-agi imyura, imawlan n tezrigin d widak iqeddcen deg yidles amaziɣ. D tagnit ideg ara d-ilin yisaragen ɣef waṭas n temsal yerzan tutlayt n Massinissa, daɣ ad ilin yemyura ara d-yemmeslayen ɣef wungalen nsen. D ambeddel n tikta d tirmitin ara yesnernin mebla ccekk anadi d usufeɣ n yedlisen, imi ar ass-a, ilaq ad d-nini belli txus aṭas temkerḍit tamaziɣt, daɣ kra n wayen yesnernayen di tutlayt d tira. Imḍebbren n usqamu-agi heggan-d yiwet n temlilit s wazal-is, tin ara d-yeskeflen amezruy n Tubiret d yemdanen i s-igan ccan.
Ɣer tama n leqdic-agi, ad d-yili akka uselmed n tutlayt tamaziɣt, i wid iwumi ur tettunefk ara tegnit ad tt-ɣren deg uɣerbaz, ahat di 6 wussan ad lemden agemmay, ad ssiwḍen ad d-ɣren aḍris s tutlayt nsen. Am akken daɣen ara d-yili usqerdec n wawal ɣef usnerni n tmaziɣt di ttawila n Internet, imi d tidet, tettwaḥerrem seg uḥric-agi yuɣen timura irkelli.
Ad d-nesmekti kan belli rreḥba-agi tella-d yakan di Tubiret snat n tikwal uqbel ad truḥ ɣer Wehran d Bumerdas. D tuɣalin ara d-yerren afud i yimezdaɣ n Tubiret ad ddun ɣer zdat deg unadi, di tira d leqdic ɣef yidles nsen.
|
|
|
| Talɣa:Awitay - Tuber |
|
|
|
|
|
|
| Talɣa:Udem n waggur n Tuber |
|
|
|
