dr mond dä chääs hanget zwüsche de wouche
mir zwe hange vor dr beiz
u du hesch ds outo dert bir chiuche
mir loufe übere u du seisch
mir chönnte doch no irgendwo härega
mir schtige ii u du hesch plötzlech die idee
u seisch weisch wielang
dass i ds meer scho nümm ha gsee
un'i mues lache u du überleisch u seisch
morn am drüü wäre mr ds nizza
u vo dert chönnte mr ds schiff nöö
bis übere nach afrika
dert verchoufe mr ds outo
u när längt's für ne monet oder zwee
dert bin'i no nie gsii
u casablancatönt doch besser aus bümpliz
u em aute ir bude schribe mr e charte vo dert
är söu nume afa aafa
u nid uf üs warte
äs wärd summer oder herbscht
u casablanca tönt doch besser aus bümpliz
u när sii mr gange
mir sii druff u dranne gsii
mir wäre fasch gange
aber du oder i ha plötzlech gseit es schiist mi aa
dr schlusspfiff isch pfiffe
im schtadion isch's schtiu
u dr räng sii läär
u ds flutliecht hei sie glösche
e letschte schourni hockt no da
u hacket no die letschte ziile i computer
u dr platzwart isch am wüsche
u däne uf em parkplatz sii sie immer no am horne
u die letschte gäube fahne wääie ar tramhautschteu vorne
u vllech hei sie o chli schwein gha
zersch dä freischtoss u när am mini sini schwaube
zwe pünkt sii villech glücklech aber eine wär zweni
u verdient hei sie uf au fäu angerhaube
u villech git's es gwitter u villech schiint morn d sunne
u die einte chöme witer ufe u die angere bilbe dunge
aber hütt hei sie wieder mau gwunne
es isch schpät am ne donnschtig aabe im februar
mir schpile carambole
sie hett wiisses pulver i de haar
wiisses pulver am puli u die wiisse schteine
u jitz nume no eine u dr rot u sie seit
was gisch mr wenn'i gwinne
mir chunnt nüt i sinn
i bi verläge u froh dass zersch dr wiiss abegehit
dr rot u mini 2 macht 7 : 0 für mi
un'i weiss genau sie ett's äxtra gmacht
u sie leit d'schteine uf ds brätt
u faht no einisch a u seit
du muesch wüsse i ha päch im schpiu
u när laht sie mi abe nach schtrich u fade
u am schluss han'i genau 2 schteine z'viu
7 : 7
sie seit sie sött eigentlech ga
no ds letschte schpiu
i schteue uf u schpile a
i triffe drnäbe u luege se a
u frage se
blibsch hütt da wenn'i gwinne
sie lachet u seit
hesch dr's guet überleit
wüu du chasch sicher sii
de zielen'i nümme
7 : 7
unentschide isch's nid
es isch 7 : 7 für mi
i de erschte zwöi jahr wo mir üs hei kennt
hesch jedesmau we mr zäme hei pennet
so nes märmeli i ne büchse gleit
u mir hei büchse um büchse um ds bett ufgreiht
denn hesch mi aube am morge chuum wöue la gah
u i bi mittag für mittag zum zmittag heicho
e viertuschtung zrügg
für ne haubschtung mit dir
u ggässe hei mr nüt
mir hei üs nie chönne in rueht la
mir hei's nid chönne la sii
mir hei immer öppis gmechet
egau wo mr si gsii
im huus u um ds huus
im chlee
unger dr bueche
uf dr schtäge
uf em sofa
uf em zwätschgechueche
u aues won i gmacht ha
jedes schiit won i ha bige
jede nagu
jedi schrube
jede song won i ha gschriebe
mit auem won i gmacht ha han i d'schtude vertriebe
zwüsche zwöi mau wo mir zwöi zäme si ga liege
i de erschte zwöi jahr wo mir üs hei kennt
hesch jedesmau we mr zäme hei pennet
so nes märmeli i ne büchse gleit
u mir hei büchse um büchse um ds bett ufgreiht
u we d'jitz jedesmau we mr's wieder einisch tribe eis usenimmsch
o we mr ewig zämeblibe
mir warte no bis d'sunne über dr chiuche schteit
u schliiche zu de schine we dr zeiger uf 12i zeigt
u we dr zug chli schpäter vor schtadt här chunnt
ligsch du hinder däm boum wo mir uf ds gleis hei gleit
dr zug heutet a u ei typ schtigt us
louft füre zum boum - jitz schteisch du uf
i gumpe us em busch - haute dä typ in schach
u du schpringsch zum erschte wage
u hänksch d'kupplig us
i schiesse i d'luft u rüeffe
lööt dr höiptling frei
u si gsee dass mir dr lokfüerer aus geisle hei
u dä bringt üs när mit dr lok bis dert
wo dr waud aafat u wo mir üsi ponies hei
aber jitz müesse mr los wüu de dr zug glii chunnt
u we öppis schiefgeit - egau us welem grund
träffe mir üs punkt 2 uf em pouseplatz
u am 3 mues i när i d'flöteschtund
zwe indianer bi de teppichschtange
ir wüeschti vo nevade
bi de baangleis z'niederwange
du muesch doch nid geng so pressiere
la die doch eifach mau la sii
oder lüt ne doch schnäu a
u säg ne dass i i dr türe schtaa
u du chönnsch nid vrbii
los doch es rägnet ziemli gruusig
verpass doch ömu ds nächschte poschtouto
gang doch hütt eifach e chlii schpäter
u när machsch irgend es theater
bis sie froh sii dass d'bisch cho
bitte baby blib no chli bi mir
baby baby baby deck mi doch no mau zue mit dir
lue doch der uss die schwarze wouche
u dr wind lüpft üs fasch ds dach
hütt isch dr morge blibe lige
chumm dr näntig morge isch no gar nid wach
bitte baby blib no chli bir mir
e maa & e frou lige zäme zmitts im chleefäud
& sie lüpft ihre rock & är zieht sech d'hose abe
d'sunne schiint & es isch schön & warm nume dr see fäut
aber sie wei gar nid ga bade
sie fö afa schmuuse & jitz gseht me se vo nöcher
är het e schnoutz & e roti zunge
är küsst se überau & ihre rock rütscht immer höcher
jitz küsst'r se bim buuchnabu unge
sie schüttlet ihri haar & faat liislig afa schtöhne
& ihri länge fingernägu grabe sech i sini blonde haar
sie zieht ne zue sech ufe & jitz fö sie afa schwitze
me gseht se jitz vo obe & chunnt zersch gar nid druus
är ligt im chlee uf em rügge - sie isch obedruff am sitze
's gseht irgendwie no schportlech us
jitz wird's herter lüter schneuer & me gseht's vo aune site
hut & haar & himu & e hammond-orgele wo schpiut
är chnöilet jitz so haub & sie isch immer no am rite
& jitz wird's ziemli wiud
& vo obe über ds biud flügen e huufe farbigi ballön
& es paar viicher wo chöi rede finge irgend sone nöie
toyota no schön
i flüge gärn - i bi geng gärn gfloge -
knapp über em bode oder ganz ganz höch obe
aber irgendeinisch - i schwümme -
i la mi gärn la tribe -
i mues geng grad no chli witergah -
i ma nie zlang blibe aber irgendeinisch -
mir isches gliich - mi nimmt's gar nid wunder
öbi mau nümm obenabe chume oder undergah -
i touche - mir isch es gliich - mi nimmt's gar nid wunder
öbi mau nümm obenaberirgendeinisch
hey du - dini tochter -
gäu die het's nech doch denn ziemli zügig inegschneit
i ha das gar nid richtig tschegget
& es het mi denn o nid so intressiert
i has de irgendwenn erfahre & ha grächnet
& ha gschtuunet wie doch d'zit vergeit
& bi när ehrlechgseit no froh gsii dass das
usgrächnet dir & nid mir scho mit ihre isch passiert
mängisch bruucht's wenig dass öppis so chunnt oder so -
nume chli früecher oder schpäter
& aues wär hütt geng no so wie denn i däm summer
vor churzem isch die chliini mau cho lüte -
sie het für d'schueu irgend eso abzeiche verchouft
sie het mi locker überschnuret & het schprüch gmacht -
gäu die het sie garantiert vo dir
es isch komisch gsii - i ha so sofort kennt -
scho nume au die tüüre chleider wo sie drinne umelouft
sie isch mr irgendwie bekannt vorcho -
vorauem ds chini ds muu & d'ouge het sie gloub vo mir
I've walked down this steet
a million times in a million dreams
i'm stubbling on my feet
lookin at the sky down to redeme's
as i look up high
i look down to low
as the world is spinnin to to slow
and a look to you
u seem so true
but the sun is still not shinin through
Chorus
i wanna run away.... now
i think im gonna fly away from here
i dunno what i want now
i know its isnt you thats what is clear
ann now im just wastin......wastin my time
dunno what i want...or what is true...skip back rewind
just sittin thinking back
on all those times we laughed and we would fall asleep
on the sand look at the sea, now just shut i think that i am gonna crack
now just leave alone cos i am gonna creep
now i sitting her takin slack
no i never want u back
please im startin to loose track
now just let go of my heart
and get your ass back to the start
back to the star..art
Chorus
no no please just let me go
no no im leaving i just want to break free
so so now im going solo
so go cos wither i'll decree
Chorus x2
dont know what i am...or what to show....now..you've...Let Go............
d'szene isch e chliini bar irgendwo i dere schtadt & i bschteue e whiskey
& hocke irgendwo ab wo's grad platz het & luege echli ume wär so umenang hocket
aber kenne tueni niemer hie inne - überau hocke lüt hinger de schampuschüble -
geng e frou & e typ & nippe am ne flüte & hange anenang a & rede öppis über nüt
& nume i bi allei hie & da wächslet ds liecht & hie & da verschwinde wieder zwöi
irgendwo & irgendeinisch geit hinde e dunkublaue vorhang uf
hinger em vorhang het's e bühni & uf dr bühni schteit e frou wo i de ungerhose
irgendsone schou zeigt
i luege so chli zue & i hocke so chli da & gschpüre plötzlech dass i irgendsone
hang ufem chnöi ha & dräiie mi um & näbe mir hocket eini won i nie vorhär ha gseh
& fragt öbi alleini sig & sie sig o L.A. & i söu nid überlege & i gfau ire no so
& sie wöu eifach echli rede & villecht sött i hie no säge sie gseht schön us -
sie isch e schöni mit schöne länge haar & klar bin i närvös worde & klar hani trunke
& mit jedem schluck het sie mi no chli schöner afa dünke & nach jedem glas champagner
het sie geng no eis wöue & i ha zaut & zaut bis i eifach nümm ha chönne & ha gseit:
hey wie mr nid zu mir oder so & sie het gseit: i chönnt di so verwöhne
& so ire haubschtung chönnt i cho & jitz säg mr eifach nume no wieviu - säg wieviu -
wieviu gisch mr wenn i chume
i schänke dr mis härz - meh han i nid - du chasch es ha we de wosch es isch es guets
& es git no mängi wo's würd näh aber dir würd i's gä
umehange - umeschtah - wär seit wohäre gah -
wär seit wo's düregeit - was isch wo agseit -
wär fahrt mit welem mit - är het e heisse schlitte -
är isch ne sowieso - hanspeter - i wott mitcho...
är findet's heiss we me si name uf französisch seit -
är isch e gräui erschiinig - öb'r hocket oder schteit -
2 meter ohni rouschueh - dermasse bi figur -
e maa wie nes ärdbebe - schteu dr mau vor
du loufsch mit dim meitschi dür d'schpitu-gass
& ihri aute si am see & sie verzeut grad
dass daheim e fläsche rosé im chüeuschrank schteit
& re ds puff i dere schtadt uf e wecker geit
& jitz nimmsch no e biiss vo dim whoppercheese
& überleisch dr scho mau - rein präventiv -
was d' dene i dr bude seisch we d' morn am morge ufschteisch
& weisch dass d' di jitz lieber no zu ihre leisch -
jitz wosch ere grad säge wo dis velo schteit
& merksch wie dr dr whopper uf d'sandale gheit -
ghörsch reiffe quiitsche - gsehsch zwe drei meter chrom
& bläch & drinn dr hanspeter & du gsehsch wie sie iischtigt -
wie sie näbenang hocke - är isch dr king -
du hesch dr burger i de socke - hanspeter -
früecher oder schpäter chunnt dr hanspeter -
hanspeter i warne di - hanspeter i hasse di -
hanspeter & nid numen i - hanspeter gang furt vo hie
me gseht se nümm so viu ir schtadt
öppen am sunntig mau im tierpark
är schtosst dr wage - sie fuetteret d'büffle
& die chliini grännet & schiesst dr nuggi furt
är bückt sech & är gseht chli komisch us
villecht isch's dr teddybär i sim hosesack
är list dr nuggi uf & tuet ne dr chliine wieder ine
& die grännet & grännet & hört nümme uf
& jitze wird är ganz närvös
& laat dr chinderwage schtah
sie het erbarme - nimmt die chliini i d'arme
& die wird plötzlech schtiu & lachet ds mami a
sis schnäue outo het är immer no
& so schön wie's isch - es ligt jitz nümme dinn
& mit däm chindersitz isch's nume no haub so schpitz
sie findet's sowieso e witz & wett lieber no es ching
dür d'wuche schteit är hinder em gmüesregau
är schafft im lade wo sim schwager ghört
& dä kennt'r no vor schueu & het ne nid möge schmöcke
het ne nid emau beachtet & jitze isch es umgekehrt
aber är verchouft das gmües mit charme
är het geng e schpruch parat
är lachet mit de dame - kennt jedi bim name
da chunnt dr schwager us em lager
& si charme gheit i chopfsalat
es isch truurig - es isch wahr & me würd ne fasch nümm kenne
dr rebeu hingerem gschteu - hanspeter jitz bisch ne nümme
das isch d'gschicht vom colombo - nid vo däm us dr serie -
vo eim wo irgendeinisch z'spanie het gläbt & geng echli dr depp isch gsii
& nüt het chönne & immer komischs züg verzeut het
& sech nüt drbii het dänkt bis ihm einisch eine gseit het:
du muesch irgendöppis wärde - du muesch öppis us dr mache -
di nimmt doch niemer ärnscht & die meischte lüt hie lachen über di -
was cha me de so wärde het'r gfragt - was bisch de du -
i bine seemaa - het dr anger gseit i fahre mit mim schiff use uf ds meer
& chume viu ir wäutgschicht ume - das tönt sehr interessant -
das gfieu mr o - het dr colombo gseit - i wirden e berüehmte seemaa
& är het's aune lüt verzeut & aui lüt hei afa lache & är het gseit:
dir wärdet's gseh & d'lüt hei gseit: du verzeusch sache & är isch hässig worde
& d'lüt si vor lache fasch verreckt & är het d'schtadt verla
& het sech irgendwo im waud versteckt - dert isch'r 13 wuche blibe -
13 wuche i de büsch & d'lüt hei gsuecht & hei sech gschämt
& niemer het gwüsst won'r isch & niemer het meh glachet
won'r am ne schöne morge wieder da isch gsii hei aui fröid gha
& won'r gseit het: bitte sehr - i han es nöis land entdeckt -
es ligt dert irgendwo im meer - hei aui fröid gha & si nätt gsii
& hei äxtra ganz furchtbar ärnschti gsichter gmacht
nume dr seemaa us dr erschte schtrofe - amerigo vespucci isch si name -
isch zuefäuig i dr schtadt gsii & het gseit: schön für di
aber i gloube dr's nume wenn i's säuber gseh ha
& är het sech glii druf uf e wäg gmacht & genau nach 13 wuche um ne tag
& eire nacht isch'r ändlech wieder zrügg gsii & d'lüt si au zum hafe abe
& dr colombo isch närvös worde & haub chrank wüu'r het gloge
& är het fürchterlichi angscht gha & isch bleich gsii
& het niemerem i d'ouge gluegt
aber dr vespucci het glachet & isch vor d'lüt häregschtande
& het em colombo zuezwinkeret & grüeft är heigi's gfunde
& dr colombo het fröid gha dass'r ne nid het verpfiffe
& het amerigo amerigo grüeft & d'lüt hei au o afa rüefe
& dr colombo isch berüehmt worde & bis a ds ändi vo sine tage
isch'r nie so richtig sicher gsii & het sech nie drfür gha z'frage
öb's amerika würklech git wüu mit dr ziit si geng meh lüt derthäre gange
& wieder zrügg cho & hei verzeut & no bis hüt verzeue immer aui ds gliiche
& niemer weiss eigentlech meh aus das won'r vorhär scho het gwüsst
& aui hei geng ds gliiche gseh & das tönt doch irgendwie verdächtig
& schmöckt irgendwie nach drääibuech & nach hollywood
amerika git's nid - sie hei's gar nie gfunde - amerika git's nid -
das isch nume e gschicht - amerika git's nid - aues gloge & erfunde -
amerika git's nid - amerika isch nume es grücht
i ha dummerwiis zwöi meitschi
eis i mim chopf u eis im bett
eis vo beidne wott mi nümme
u ds angere vo beidne wett
das wo mi nümm wott schmöckt nach honig
u ds angere schmöckt mr nümeh so
eis ligt hie bi mir ir wohnig
u ds angere isch vori grad drvo
u i bi säuber blöd i weiss es
aber ich wär doch nie im läbe
mit dere hie hüt nacht zu mir hei
wenn i nid so mänge... aber äbe
jitz han i dummerwiis zwöi meitschi
eis isch no hie - eis isch nümm da
u das wo furt isch wott mi nümmeh
u ds angere wott jitzt gloub o lieber langsam gah
u drbii han i mr gseit i nime nume so ne mojtio
u ne zwöite han i när dänkt nimen i o
u nach em dritte bin i unger däm tisch gläge
u nach em vierte unger dere frou
jitz han i dummerwiis zwöi meitschi
eis isch no hie - eis isch nümm da
u das wo furt isch wott mi nümmeh
u ds angere wott o lieber langsam gah
dini träne sii für garnüt
nid hie im dunkle wo se niemer gseet
u für dies gjammer isch d'musig viu z'lut
u für nes excüse isch dä doch z'blöd
chumm bis doch eerlech
dä wär's nid gsii
u das denn mit däm lied für di isch doch e witz gsii
lue win är dertschteit - schturzbetroffe
ab au däm züg won'är verzeut
dä isch doch bsoffe
dä weiss doch nümme was är wäm hett gseit
was dä hett wöue isch mir scho lang klar
aber wär verliebt sech scho i'ne pop-star
i ha dr telefoniert
ha vorhär lang schtudiert
öb i söu oder nid
u ha glich probiert
du hesch abghoh u i has scho wieder beröit
u irgend e dummi story verzeut
was wosch hesch gfragt
i weis es nid han'i gseit
un'i lüte wieder a
u ha wieder ufgleit
u jitz bisch furt u mi schiissts a
dass i nüt ha gseit wüu i weis
i cha nümm mit dir zäme sii
un'i trinke non'es glas
villech hiuft das
u när no grad eis
u weis glich nid was säge
welli wort - weli reihefoug
u wenn am beschte u warum überhoupt
i weis nume dass i's vorhär nid ha usebracht
weis nume dass'i di hütt gseh zum znacht
u de hocksch vis-a-vis u de luegsch mi a
u de nimmsch mini hand un'i wiess
i cha nümm mit dir zäme sii
denn chan'is nid säge
das lig tnid drinn
das schaffen'i nid
i blibe daheim
i gloube i ha fieber
i gloube mir isch schlächt
genau - i bi chrank - das isch mis guete rächt
i nime ds telefon u wähle ds nummero
das mues sie ja begriffe u da isch sie scho
hallo - i bis no mau - bisch no im gschäft - gottseidank
los - i cha hütt nid wüu i bi ...
.... i cha nümm mit dir zäme sii
nei säget söue mir vo nüt me andrem tröime
mir wo müesse läbe i de gottvergässne schtedt wo me uf em trottoir louft u we me
über d schtrass wott
mues warte bis me vom ne grüene liecht d erloubnis het
u we me 's nid so macht de wird me überfaare
isch das dr ändpunkt vor entwicklig vo füftuusig jaar
nei säget söue mir vo nüt me andrem tröime
mir wo müesse schaffe i re gottvergässne schteu
wo me wi nes redli louft i re maschine
wo nimer überluegt u wo eim gseit wird was me söu
u we me nid geng ufpasst wird me überfaare
isch das dr ändpunkt vor entwicklig vo füftusig jaar
nei säget söue mir vo nüt me andrem tröime
aus beschtefaus vo ferie 14 tag lang am ne meer
wo me kriminauromän list under de paume
für z gsee wie 's wär we ds läbe intressanter wär
bis dass me schliesslech froh isch weider heizue z faara
isch das dr ändpunkt vor entwicklig vo füftusig jaar
nei säget söue mir vo nüt me andrem tröime
aus säuber einisch z wärde wie die bessere here wo
e swimmingpool im garte hei u uf safari gö
solang sie no ke härzinfarkt hei übercho
solang sie mit em merzli no i ke boum sii gfaare
isch das dr ändpunkt vor entwicklig vo füftusig jaar
es isch morge gäge mittag
mini vorhäng si no zoge
szene us däm troum schwirre mr dür d'bire
d'realität isch liecht verboge
wie us em nüt bisch plötzlech da gsii
ohni vorwarnig u schön wie ächt
u i ha gseit: das mues jitz überhoupt nid sii
u du hesch gesit: grad wäge däm wird's villech gar nid schlächt
när han i's eifach mau la flüge
i ha mr überhoupt nümm dänkt
u du hesch mir gnoh wie we nüt wär gsii u i ha's agnoh wien es gschänk
es isch heiss worde im zimmer
u es het gschmöckt wie im ne zoo
u d'wänd si weich worde wie wachs
u die ganzi tapaete isch obenabe cho
u i bi schön froh
i bi schön froh dass es numen e troum isch gsii
gseh wott i di niemeh
es wird aabe i dr schtube
u sie hocke vor em fernseh
u ds ding wo louft isch irgend e serie wo sie so gärn gseht
är het d'scheiche uf em tischl
u sie chüblet am ne hütli näbem mittufingerfingernagu ume
d'story wo louft isch öppe gliich wie au die gschichtli eso sii
es geit um aus u nüt u eifach immer witer
irgendwie geit's immer wieder witer u immerwieder git's e grund
dass sie de gliich wieder wot wüsse was passiert we's wieder chunnt
sie kennst sech us i dere gschicht - sie isch scho jahrelang drbii
u sie kennt aui zämehäng wie ihri vorhäng
u drbii isch's gar nid eso eifach
mängisch weiss me nümm genau wär scho mit wäm
u weli nümm u wele weli früecher mau
sit jahre jedi wuche immer um die gliichi zit am sunntiaabe i dr schtube
u sie hocke vor em fernseh
sie het aus im griff
weiss über aues bscheid
sie weiss no ganz genau wär was i weler foug zu wäm het gseit
sie ghört dert irgendwie drzue u mischt sech i u mischlet mit
irgendwie isch's ere wohl
geit's ere guet bi dene lüt
u wele ma ch scho so treu sii
es isch mänge ganga sider
die hie chöi's
die chöme immerwieder
sie kennt se besser aus die meischte lüt wo sie süsch mit ne zäme isch
sie kennst se besser aus dr anger mit de scheiche uf em tisch
i bin e mischtchäfer uf dim fänschtersims u warte bis d' mi inelaasch
d'sunne schiint mr uf e panzer u i mir inn chochet's
i bi langsam ling
i loufe hin u här u wirde ganz närvös u rouke eini nach dr angere
bis mr bitte nümm bös
probier doch über au die bireweiche schprüch won i ha gmacht z'lache
i ha dr nid wöue wehtue
i hätt das aus nid gseit wenn i hätt gwüsst dass dir das sovieu miech
i bin e vouweiche iiversüchtige güggu
i bin e schaluuse siech
i bin e mischtchäfer uf dim fänschtersims u hoffe dass d' mi ändlech gsehsch
d'nacht isch chaut un i bi churz vor em erfriere
i loufe hin u här
mini sole si scho düre
mach mr uf
mach doch ändlech echli mitleid füre
tue doch zuüggschpuele
i würd's gärn nomau probiere
i ha dr nid wöue wehtue
i hätt das aus nid gseit wenn i hätt gwüsst dass dir das sovieu miech
i bin e vouewiche iiversüchtige geissbock
i bin e schaluuse siech
sie chunnt vo schtuckishuus
u gseet nid schlächt us
u heisst lena
sie isch nöi ir schtadt
u no nid bekannt uf dr szene
u dr erscht typ wo're e drink schpändiert
weiss e easy job wo tierisch räntiert
lena - lue zersch wohär dass dr wind wääit
dr hans vo schtans
o är isch no nid lang hie
trifft e jungi dame u verliebt sech tödlech i die
u am morge ligt är allei im bett
das isch so zimli aus so sie ihn daglaa hett
hans - lue zersch wohär dass dr wind wääit
dr fritz - är schteit uf dä schriiner vo hasle-rüegsou
gseet mit däm schlitz im chleid no feminiiner us aus d'monroe
u nach em erschte tanz
sie hei sech drääit u gwunde
isch dr schriiner ganz irritiert verschwunde
lue doch wohär dass dr wind wääit
dr gere scharrt bim ne junge ding us em thurgou
u die seit öppe au haubschtung: los i mues mau
u sie redt so viu - är cha re fasch nid fouge
gere lue doch dere mau genau i d'ouge
u lue doch eifach wohär dass dr wind wääit
u jitz d'annette - o sie hett problem mit droge
nid we sie hett aber we sie se mues bsorge
sie laat dr ganz puder uf em tisch la lige
u schlaft bi offnem fänschter u ir nacht hetts zoge
annette - lue doch wohär dass dr wind wääit
eerlech gseit
i ha nümm dra gloubt
i ha immer wieder gmeint
u gmerkt dass es gliichi nid hout
irgend e dame
irgend e dame un'es telefon
u eewig das gfüeu vom ne pousehaut
uf dr outobaan
klub nummer sowiso
italiänisches quartier
italiänischi musig
schwizer bier
u jitze du da
plötzlech am tisch näbedrann
hei brich ab - das isch ds ändi vor outobaan
u nächer hesch mi zue dr ufe gno
i ha mi zue dr gleit
mir sii nächtelang vercho
i h nümme überleit
töiff inenand
100 mau gschtorbe
i ha mi offizieu um ds amt vom prinz beworbe
königin
du hesch gäng plagiert
e zwöierchischte funktionieri z'dritt em beschte
gäu me muss gäng nume wüsse wie
du hesch gseit
was machts mini auti heiss solang sie nüt vo de angere weiss
u weli isch scho eso blöd wie die
we's um chole geit
hesch die nie la lumpe u was me nid het cha me pumpe
gäu me mues gäng nume wüsse wo
furt isch furt
u frage choschtet nüt - es git e huuffe blödi lüt
u irgend sone depp isch no jedesmau cho
du hesch immer bhouptet
me cha aus wieder grede - me mues eifach nume drüber rede
nume weisch jitz plötzlich nümm so rächt mit wäm
u jitz schteisch da du idiot
u merksch dass niemer meh so richtig wott
u machsch dr i dis hemmli wien es ching
dini schnure isch vieliech glich echli gross für sone chliine gring
I schänke dr mis Härz
Meh han i nid
Du chasch es ha, we de wosch
Es isch es guets
U es git no mängi, wo's würd näh
Aber dir würd is gä
D' Szene isch e chliini Bar
Irgenwo i dere Schtadt
Und i bschteue e Whisky
u hocke irgendwo ab
wo's grad Platz het u luege echli ume
Wär so umänang hocket
Aber kenne tueni niemer hie inne
Überau hocke Lüt hinger de Schampuschüble
Geng e Frou u ne Typ
U nippe amne Flüte u hange anenang a
U rede öppis über nüt
U nume i bi allei
Hie u da wächslet ds'Liecht
Hie u da verschwinde wieder zwöi irgendwo
U irgendeinisch geit hinde
e dunkublaue Vorhang uf
Hinger em Vorhang hets e Bühni
Uf dr Bühni steit e Frou
Wo i de Ungerhose irgendsone Show zeigt
I luege so chli zue
U i hocke so chli da
U gschpüre plötzlech
Dass i irgendsone Hang ufem Chnöi ha
U dräiie mi um
U näbe mir hocket eini
Wo ni nie vorhär ha gseh
U fragt, öb i alleini sig
U sie sig o allei
I söu nid überlege
I gfau i're no so
Si wöug eifach ä chli rede
Villech sött i hie no säge
Sie gseht schön us
Sie isch e schöni mit schöne, länge Haar
U klar bin ig närvös worde
Klar han i trunke U mit jedem Schlunk het sie mi no chli schöner afa dünke
U nach jedem Glas Champagner
Het sie geng no eis wöue
I ha zaut u zaut
Bis i eifach nümm ha chönne
U ha gseit:"Hey,
Wei mr nid zu mir oder so?"
U sie het gseit:
"I chönnt di so verwöhne.
So ire haub Schtung chönnti cho
Jetzt säg mr eifach nume no wiviu."
säg wiviu,
"Wiviu gisch mr, wenn i chume?"
Refrain: (4x)
I schänke dr mis Härz meh han i nid
Du chasch es ha, we de wosch
es isch es guets u
es git no e mängi, wo's würd näh
Aber dir würd i's gä
i ha di gärn gha u du hesch gärn mis gäud usgä
bisch jede aabe uf bärn oder i ds schoppyland
u immer die type - i ha jedesmau gmerkt we de wieder hesch gloge
mängisch si sie cho lüte u mängisch hesch nid emau ds bett früsch azoge
oh meitschi - i ha di gärn gha - i ha glitte wiene hung u ha gliich nüt gseit
i ha di gärn gha - o we's mr jitz eigentlech besser geit
i weiss - jitz chunnt irgendwo en andere dra
'sch mir gliich - o wenn i immer no chli uf di schtah
jitz han i di fasch lieber aus denn won i di gärn ha gha
i ha di gärn gha - i hätt d'sunne u dr mond
u jede schtärn wo am himu chläbt obenabeghout
du hesch mr gfaue u du hesch mr denn gseit i dir o
aber denn isch scho lang här
sit denn isch när no mänge drhär cho
i weiss - jitz chunnt irgendwo en andere dra
'sch mir gliich - o wenni immer nochli uf di schtah
jitz han i di fasch lieber aus denn won i di gärn ha gha
ir nacht hett's gschneit
aui farbe sii verschwunde
e iis-chaute morge
si renault schteit dunde ar schtrass
är mues jitz los
nimmt dr mantu u geit
u sie wartet no bis dr motor dunde seit dass är furtfahrt
sie luegt zum fänschter us u gschpürt wi chaut dass es isch
u isch froh dass är wenigschtens z'nacht bi're isch
u am wuche-änd
we sie a früecher dänkt chöme're type i sinn
u sie mues lache u isch froh git's jitz nume no ihn
u süsch nümm für sie
sie schüttet kafi nache u blibt no chli hocke
schteckt e zigi a bevor sie dr chlii mues wecke wo no chlaft
sit är i chindergarte geit isch si dr tag dür allei
das hätt sie früecher nid gschafft
aber allei sii isch schön hett sie glehrt i dene jahr
u das isch gar nid wahr
isch aues gar nid wahr
u jitz isch d'szene wieder klar
u ds gäud ligt uf em tisch vom typ mit em renault wo grad gange isch
dr gafi isch chaut u ds liecht isch kaputt
sie hett chaut u isch blutt u allei
alleit sii hett sie glehrt i dene jahr
d(bss - abede frage?)
wo's am Hugetobler het d Sicherige verbrate
het er grad ine Zibele bisse
u sis 253igschte Lied komponiert
es ich emne verschiffete Apriutag gsi
u d würm si usem Dräck cho z schlüüfe
u hei
u är isch düredräit
er het sis Tintefass vom Tisch gfägt
u s Bluet het gäge sini Schläfe ghämmeret
u är het gschroue u umgmööget
u d Huusverwauterin im Parterre het dänkt:
"i ha s ja scho immer gwüsst, das das Arschloch nüme aui Tasse im Schrank het
jetz het er sech auso sini ändgüutig letschti Arie abegwichset
u mit der Mieti woner is no schoudet laht er is la hocke
u eines Tages wird me ne im Räge beärdige
u irgendwenn wirder vilich berüemt sii.
u mi interessiert im Momänt nur, wenn dass er ändlech mit däm verfluechte Gmöög
ufhört
dämleche schwule Affenarsch
u we si ne hie äntlech useschaffe
chani nume hoffe das me mer en aschtändige solide Fischer inesetzt
oder e Henker
oder eine o für Dummi traktätli verchlopft
gopfertellisiech"
e julisunne närvt dür ds chuchifänschter
d'räschte vom znacht vo geschter schtöh no uf em tisch
i hocke sit weiss i wielang scho hie un i dänen a di
vorusse schlaats vom dchiuchturm haubi
u öppe zwe schtung schpäter viertuvor
irgendeinisch geit o dä tag vrbii
i dänken a di
i sueche mr e wäg dür mini zimmer
u hie gseht aues o nid besser us bi tag
dini art z'argumentiere wird geng schlimmer
d'sschtüeu si um u ds büechergschteu macht e schpagat
e ulisunne närvt dür ds chuchifänschter
d'räschte fom znacht vo geschter schöh no uf em tisch
i hocke sit weiss i wielang scho hie un i dänken a di
blödi chue was de bisch
he hör doch uf mit dere gschicht
vergiss es doch
es bringt doch nüt
mir chöi doch süsch chli zäme brichte
mir chöi doch no chli under d lüt
du machs di doch säuber fertig
du trääisch di doch scho lang im kreis
un i chas jitz de glii nümm ghöre
herrgott hör doch uf
i weiss du hättsch es villech mit de viicher
eifach söue la bewände
chum jitz trink doch nid so viu
was hesch de jitz scho wieder chummer
jitz gits ja würklech nümm viu z rette
u när gits ändlech rueh da unge
mach dr doch nid geng die vorwürf
du trääisch di doch scho lang im kreis
un i chas jitz de glii nümm ghöre
herrgott hör doch uf
i weiss du hättsch es villech mit de viicher
eifach söue la bewände
hör doch jitz uf mit dere gschicht
dadrann gits nümm umezschtudiere
du chöntsch doch öppis anders mache
du chasch ja öppis nöis probiere
mach dr doch nid geng die vorwürf
du trääisch di doch scho lang im kreis
un i chas jitz de glii nümm ghöre
herrgott hör doch uf
i weiss du hättsch es villech mit de viicher
eifach söue la bewände
schteu dr vor - es isch morge u du schteisch uf u geisch uf ds kloo
u underwägs luegsch schnöu i schpiegu u libsch vor em schpiegu schta
dis gsicht u dini arme - di buuch u dini bei
si übersäit mit blaue pünkt u grüene schtreiffe wienes oschterei
schteu dr vor du fingsch das vilech nume määssig attraktiiv
d'farbe si drnäbe u ds muschter isch priiv
u du schteisch sofort under d'dusche
u seiffsch di ii u fasch a ribe u schrubgbe u chratze bis es we tuet
aber d'pünkt u d'schtreiffe blibe
u jitz finsch es plötzlech nümm so luschtig
luegsch öb öppis i dr zitig schteit
e chemie-unfau i dr gägend oder e viirus wo umegeit
aber nüt vo däm - sich aues gllich wie gäng
du luegschuse u gseesch lüt mit bleiche gsichter a dr tramschtazion
aber blau-grüeni hett's nid
u jitz lütisch mau dim doktor a u fragsch ne um si rat
u är seit: junge maa - probieret's vilech mau bim psychiater
u du fluechisch u hänksch uf u loufsch im zimmer uf u ab
u geisch uf d'chnöi u bätisch
aber d'farbe gö nid ab
schteu dr vor 's vergeit e wuche so u du bisch nieme under d'lüt
u masch nidemau me fernseeluege u gänderet het sech nüt
schteu dr vor du bisch alleini u chasch di säuber nümme gsee
u dänksch nume no a eis u hesch überhoupt ke hoffnig me
du geisch zum schaft - nimmsch dis gweer
du hesch dr's lang gnue überleit u schteisc a ds fänschter
tuesch es uf u wirfsch e letschte blick uf d'wäut
vorusse faare d'ching uf ihrne minivelo hei
eis luegt ufe u rüeft: lueg emau dä papagei
u jitz macht's klick i dim chopf
e schautschteu wo düregheit
u du schiessisch uf die ching u uf jede wo süsch no umeschteit
u när faat dr krimi aa
u du wirsch abgfüert wine gängschter
toti ching - polizischte - d'lüt a de offne fänschter
u när im outo uf em rücksitz - du hocksch da u seisch kes wort
u luegsch graduus u gsesch im rückschpiegu dis gsicht
u di blaue pünkt u di grüene schtreiffe si furt
drüü vier mau hesch scho gseit gha
i sött hei
aber jitz ersch chunnsch im mantu us em huus
schlasch dr chrage ufe
d'nacht isch chüeu
es faart jitz lang scho kes tram me
d'schtadt isch läär
u du dänksch a morn am morge - s'isch dr gliich
u du machsch di uf e heiwäg z'fuess
es hett chli grägnet u uf dr nasse schtraass
gseet me d'schpiegelig vom schtraasselampeliecht
d'outo glänze näb em trottoir-ran
u uf dr schtraass chunnt jitz no e letschte bsoffne drhär
u luegt di aa vorwursvou
wi we du tschuld wärsch dass d'wäut so suufft
u du loufsch u bisch wieder allei
dini schritt töne unaaschtändig lut
u du fragsch di öb ächt si scho schlaaft
i ghöre ds echo vo mine gedanke meischtens scho bevor i mr se mache
mi eiget schatte isch afe schnäuer aus ig
i man ihm fasch nümm nache
s'geit aues immer zügiger fürschi
u d'wäut isch es chirschi
wo schrumpft u schrumpft u immer chliner wird
u i bi gäng ungerwängs
i bi gäng ungerwägs
u vorwärts chumen i nid
i wott schlafe - i wott stärbe
mit dir wott i aut u fett u glücklech wärde
i hocke am fänschter u warte bis mini erinnerige ändlech passiere
i schtah vor em schpiegu u schtuune u luege zue wie mini barthaar pressiere
s'geit aues immer zügiger fürschi
u d'wäut isch es chirschi
wo schrumpft u chliner u chliner wird
u i bi gäng ungerwängs
i bi gäng ungerwägs
u vorwärts chumen i nid
bärn - irgendwenn im mai uf dr polizei lütet ds telefon
dr herr wüeterich vor wuet usser sich hett ke rueh meh uf em baukon
5 minute schpäter
eis gezeeter
d'frou schpanner hett öppis ghört
irgendwo ar aare - sie isch sech nid im klare was es isch - aber es schtört
3 jungi polizischte schtarte ihri chischte u fahre richtig marzili
es isch e schööne aabe - si sii müed am aabe
u kene vo ihne hett bock uf krimi - s'wird warm im wage
si löh d'schibe abe u jitz ghöre si's ufzmau
musig tönt u dr himu brönnt überem gaswärkareau
si fahre nöcher häre
chöi sech nid erkläre was dert unde genau passiert
2 schtige us - loufe cool zum huus - während dä am schtüür ds outo parkiert
chuum sii si dinne
chunnt dr eint scho z'schpringe
u hockt atemlos ufe näbesitz u hueschtet i ds funkgrät
jungs - mir sii e schtung z'schpät
d'dampfzentrale isch bsetzt
i däm song hie schneits scho wieder
aber dasmau schneits konfetti
u d'wäut schteit uf em chopf u dräit sech überem parkett
1000 bärner dräie mit u i schtah irgendwo ir miti
u cha nid gloube was i gseh
wüus das z'bärn gar nid git - aber hütt
'paar minute druuf fahrt verschtärchig uf - 2-3 schtreiffewäge
dr schweingrueber geit zur bar un'es paar anderi warte bir schtäge
ar bar fragt är wär isch dr schef vo däm verein
üse schef heisst hansdampf u dr hansdampf isch hie daheim
z'bärn diskutiert me gärn u grad über kultur u de chöme si drhär
politiker u d'vereine u mängisch gseht me sogar dr kultursekretär
aber wo sii die lüt wes einisch äkschn git - de sii si irgendwo daheim
we z'bärn irgendöpper kultur macht chunnt meischtens nume d'polizei
sie het gseit i wott aues mau probiere
nume luege wis tuet u nid mee
einisch wott i's uf jede fau riskiere
nume eiseinzigs mau u när han i's gsee
sit em reschte mau sii es paar wuche vergange
u sie geit geng wieder u sie chunnt nümm los drvoo
un i ha se niemee gsee sit sie zerschtemau isch gschprunge
siet sie zerschtemau isch gschprunge han i nümme vor 're ghört
i ha se nime gsee sit sie zerschtemau isch gschprunge
un i ha nümme vo re ghört
sit sie vo brügge schpringt wie gschtört
dfrüecher het är gschribe
bi dr morgeposcht z'huttwil
är isch im stadion am gitter gschtange
u bi de waffelöif im ziel
är het vor gmeindsversammlig brichtet
u vom bazaar vor em autersheim
e reportage über d'dorfgarage
es interview im turnverein
är cha schribe wie dr tüfu
ohni z'luege mit 10 finger
aber fuessbau intressiert ne nid
u politik isch nid sis ding
är schribt jitz über musig
u das gfaut ihm wien e moore
är het früecher säuber gschpiut
u är het totau grossi ohre
(i bi glücklick - mir geit's guet
i han e backstage pass un e scharfe huet
i han e nöii fründin - i ha se grad verlore
sie lit irgendwo ir garderobe vore)
won'r denn zerschtemau i ihrem kaff het gschpiut
isch sie zmitts i de lüt i dr dunkle haue gschtange
ganz wäg vo sine songs u o vo sire chöne schtimm
u wo's isch fertig gsii isch sie no e chli
vorusse bim usgang hinger dr bühni blibe schtah
zersch si zwee vo dr bänd
när isch är cho
är het se sofort gseh
är isch uf se gschtange
är isch uf se gfloge
sie si ufengang los u scho glii druuf isch'r bi're iizoge
samt sim klavier u mit vierfüf voue bananechischte
u nach eim jahr hei sie ds erschte töchterli touft
u wo ds zwöite isch cho het är ds klavier verchouft
u sini bänd ufglöst un e job bi're grosse wärbeagentur aus texter übercho
är isch erfougriich gsii u är het büglet wie blöd
u scho glii het är viu mehr verdient aus är sech je hätt tröimt
u sie hei sech es schöns hüsli uf em land mit echli umschweung gmietet
u mängisch am aabe - wenn'r ziemli zursou uf em bettrand hocket
de fragt sie ne: gäu du du machsch au das nume wäge üs
u de lächlet är müed u seit: i bi glücklech
u de lächlet är müed u seit: i bi glücklech
u de lächlet är blöd u seit: i bi müud
u när schlaft'r i u sie laat dr tv a
uf telebärn bringe sie gäng sone song
vo're bänd us dr gägend wo're schampar gfaut
u sit drei täg nachelouft
u wo die zerschtemau i ihrem kaff hei gschpiut
isch sie zmitts i de lüt i dr dunkle haue gschtange
ganz wäg vo sine songs u o vo sire chöne schtimm
u wo's isch fertig gsii isch sie no e chli
vorusse binm usgang hinger dr bühni blibe schtah
zersch si zwee vo dr bänd
när isch är cho
är het se sofort gseh
gloub nume nid dass sie mr denn hätt gschwore si wöu mi ewig gärn ha
wie du i dere nacht denn wo d'mi zerschtemau hesch zue dr gnoo
es isch mee dr mond gsii wo so häu uf ihres gsicht het gschune
u wie sie gluegt het wo sie het gseit i söu doch no chli zue're cho
ghürate ha se nume wüu sie gliich usgseet wie du
wenn i denn nid überau dis gsicht hätt gsuecht
hätt i se villech nie im läbe gfunde
u we du denn nid eifach gange wärsch
wüsst i bis hütt no nid was liebi heisst
u o wenn i dr denn no nid ha gloubt wo d' mr hesch gseit
i vergässi di de scho
ghürate ha se nume wüu sie gliich usgseet wie du
aber jedesmau we du hättsch glachet über mi
seit sie chumm mir probieres grad no einisch
u jedesmau we du hättsch düreträäit seit sie vergiss es
i ha dr scho vergää
u o wenn i dr denn no nid ha gloubt wo d' mr hesch gseit
i vergässi di de scho
ghürate ha se nume wüu sie gliich usgseet wie du
sunntig morge i lige im bett u schlafe no haub u tröime no nätt
bis mi dr räge dür ds offne fänschter weckt
i schl d'ouge uf u ds fänschter zue
u schtige i d'hose u sueche mini schue
u gsee da ligt doch no irgendöpper i mim bett
wär chönnt das sii
was faut dere ii
i überlege aber chume nid druuf
i ga nächer häre u bücke mi
u lüpfe ganz vorsichtig d's duve uf
fritz - nid scho wieder du - fritz
la mi doch in rue - es längt jitz
mittwuch - öppis vor de achte am aabe
i ha mi lieblingsfrou zum znacht iiglade
u jitz sött sie scho genaau
säge mr emau sit öppe e're haubschtung da sii
jitz isch dr riis am arsch
u ds fleisch verbrönnt
u d'fläsche haub läar
u we sie nid glii chunnt hett's nume no blueme u brot
u villech no'nes glas wii
aber im schtägehuus geit d'türe uf
das mues se sii
i ghöre ihri schritt
ghöre se inecho
e schtimm rüeft: hallo
u ir chuchitür schteit dr fritz
fritig nacht - ds konzärt isch verbii
mir sii ar hotelbar u trinke no'ne chlli
u liire über gott u gäud
u es wird schpät wie immer
u gäge morge - es wird scho häu voruss
gan'i zur reception u verlange mi schlüssu
u dr depp grinset:
öii frou isch dosch scho im zimmer
i wanke ufe u dänke das cha doch nid sii
aber d'tür isch würklech nid zue
u won'i inega wird mr aues klar
nid scho wieder - fritz - bitte nid scho wieder du
i schta vorusse im räge - es isch 5 vor 10ni
höchschtens bis am 10ni gibe're no - när gan'i
i bi nass bis uf d'hut - es isch chaut wine sou
un'i frage mi wär bin'i de u wo isch die frou
so cha si's vergässe - i la mr's nid la biete
jitz cha si no so flööte - cha si no so wüete
i hole mr e grippe - i hole mr dr blues
i tube hei - bschliesse d'tür - zie ds telefon us
i schtige uf e töff u faare dür d'schtadt
u parkiere vor em schpunte u schtige ab
i bruuche one schnaps oder zwee gäge d'wuet
u ga ine u meine i gsei nid guet
si hockt allei a dr bar - ganz hinde im egge
u wartet uf öpper - dänken'i wüu i's tschegge
i wott wüssw wän si trifft - wott wüsse wär das isch
u hocke schregg vis-à-vis näb dr bar a ne tisch
i bschteue mini schnäps - si hett mi no nid gsee
u dass dä se laat la warte närvt mi no me
i verschtecke mis gsicht hinder ere zitig
u gsee ds fernsehprogramm
shit - hütt isch gar nid fritig
won'i z'erschtmau zue dr z'Bsuech bi cho
es isch '84 im Früehlig gsii
am Aafang das flaue Gfüeu im Buuch
när hei mr gschpiut bis am Morge früeh
i ha nume das gwüsst wo ir Ziitig schteit
mit de angere drüber gredt
aber nid lang überleit
pötzlech schteisch dert
was intressiert's di no
banali Gfüeu für'ne illegale Ort
u jitz liegsch flach
sie hei di zwüsche d'Ouge breicht
u hei di flachgleit
hütt Mittag hei sie's gseit
flachgleit
am Morge si sie cho
u hei di flachgleit
use
zügle
vor afaa
du bisch gwachse
hesch e Name übercho
e guete un'e schlächte
es si geng meh Lüt cho
Lüt us jeder Szene
Lüt vo überau
vo irgendwo het me's jedesmau vernoh
me isch cho hange
cho luege
cho drgliiche tue
wäg dr Musig
wäg em Alk
oder nume wäge dir
me het di tschegget
oder het überhoupt nüt gmacht
mänge graue Morge
mängi heissi Nacht
u jitz liegsch flach
sie hei di zwüsche d'Ouge breicht
flachgleit
hütt Mittag hei sie's gseit
flachgleit
am Morge si sie cho
u hei di flachgleit
use
zügle
vor afaa
i ha mi mängisch gfragt wie lang's no geit
i ha genau gwüsst
dass's nid ewig schteit
es het mi fertig gmacht won i's ha vernoh
i ha Radio glost u bi mr blöd vorcho
i ha nume das gwüsst wo sie dert hei gseit
i ha mit em Sämu drüber gredt
u dä het ds gliiche gseit
häregfahre
wän intressiert's jitz no
mini banale Gfüeu für ne illegale Ort
jitz liegsch flach
sie hei di zwüsche d'Ouge breicht
u hei di flachgleit
hütt Mittag hei sie's gseit
flachgleit
am Morge si sie cho
u hei di flachgleit
päng päng
du bisch tot
i lige uf mim frotteetuech
schtriiche chli öu uf mini bei
u schpuele ds tape no mau a aafang zrügg
tue d'ouge zue u bi allei
u ds chindergschrei isch plötzlech wit ewägg
u dr lärm vor brügg isch nümm so lut
irgendwo no ds tic-tac vom pingpongtisch
u di bunte fläcke uf dr netzhut
tanze hin u häär
u wärde chlii u wider gross
u mache mi ganz schturm im chopf
u jitz geit d'musig o no los
no einisch 'a hard hay's night' vo aafang aa
u si hockt häre u git mr e kuss
un'i schile se vo unde ufe aa
u si packt zwöi vanillecornee us
u när loufe mr ufe u schtige i fluss
i bi dr fisch u si dr wassermaa
u under dr brügg rüefen'i ihre name u ds echo rüeft zrügg
u si biisst mi i äcke bis i undergaa
si ligt uf mim frottetuech
u mi chopf ligt uf ihrem weiche warme buuch
u macht ds muu uf u d'ouge zue u seit
dr summer isch genau so schöne wie du
i ghöre d'schtimme us em schpunte bis zu mir ufe i d's zimmer
sie heis luschtig da unde - öppis z'fiire gits immer
irgendeine hett geburtstag u zaut e rundi
aui chlatsche i d'händ
u d'bänd schpiut no es schtück für ihn
eis wo me dr text kennt
u aui grööle mit
unör fö si afa tanze
u d'froue zie d'schue ab
u d'manne zie dr ranze ii
u d'musig isch genau wi letscht summer i de ferie
nume ds meer isch nid so blau
u dr schnaps chsoschtet mee hie
u när wird d'musig langsam
u die meischte hocke wieder
zu de andere wo scho lang am jasse sii
u sider wird's 12i
u dr beizer chunt cho iikassiere
u seit es isch polizeischtung
u när ghört me d'outotüüre
u när ghört me se no lache
u eine singt i fruus grüeni banane
aui sii scho lang verschwunde
dunde ligt nume no die frou mit däm japaner im bett
die andere sii wäg
gläser u fläsche u haublääri täueer
u d'ä räschte vom mond wo no ar schibe chläbt
u dr platteschpiler git ke ton me vo sech
un'i finde dr chnopg nid wo ne wiederbeläbt
u das lied i mim chopf
das wo sie ganz am schluss hei glost
i ha das lied no im chopf -
u di - i weiss nid emau genau wisoo
i ha di ewig lang nid gsee
i ha di nie vermisst
i ha gar nid viu vo dr gwüsst
i weiss nume no einisch nach genau sore nacht
han'i mit eim no chli gsoffe u gredt
u dä hett öppis vo dir verzeut
u dass'r di denn mau troffe hett
aues vo mir
warum nimmsch nid eifach aues vo mir
zapf mi a u suff mi us wie ne bluetegu oder wi ne flädermuus
schteck dini wiise biiser i haus vo mir
aues vo mir
warum nimmsch nid eifach aues vo mir
i bi grüen
i bi blau
i bi schwach u dumm
lue ds schwänzli wädlet mi em hung
nimm nume nimm nimm nume chum nimm
es ghört aues dir
u säg wie lang isch für immer
u wie glii isch jitz oder nie
u was git de das we's jitz immer schlimmer wird
u was blibt mr när no we's vrbii isch
aues vo mir
warum nimmsch nid eifach aues vo mir
aues vo mir
aues dir
mir isch es glas vou wii vou i d'schribmaschine gheit
u jitz bringt sie's nümm uf d'ziile
wüu jitz isch sie ziemli breit
es überschlaat se bi jedem aaschlag wüu sie 's eifach nid vertreit
mir isch es glas vou wii vou i d'schribmaschine gheit
es hätt es eerlechs lied gä
eis won i ändlech hätt gseit
was mr passt u was mr egau isch u was mr uf e wecker geit
i hätt e rundumschlag gmacht
i hät uf niemer rücksicht gno
u do dr hingerletscht schiiser hätt es schtrofe übercho
i hätt besunge was aui dänke aber nid chöi erkläre
dass dr schpringsteen u dr dylan müedi fürz drgäge wäre
i hätt ds unrächt bim name gnennt
u die wahre heude prise
i hätt nech auene zeigt wo's düre geit
i hätts aune bewise
mir sich es glas vou wii vou i d'schribmaschine gheit
u jitz bringt sie's nümm uf d'ziile
wüu jitz isch sie ziemli breit
es überschlaat se bi jedem aaschlag
wüu sie's eifach nid vertreit
mir isch es glas vou wii vou i d'schribmaschine gheit
es hätt es liebeslied gä
i hätt nid gschpart mit mine gfüeu
i hätt beschribe win i's gärn hätt
u hätt verrate was mr gfieu
i hätt mi ändlos im ne lobgsang uf d'wiiblechkeit verloore
u im refrain hätt i d'liebi d'luscht u d'lideschaft beschwore
es hätt es eerlechs lied gä
eis won i ändlech hätt gseit
was mr passt u was mr egau isch
u was mr uf e wecker geit
u jitz hocken i da u dr tisch isch dvroo gloffe
u ds papier isch ertrunke
u d'schribmaschine isch bsoffe
me gseht se nümm so viu ir schtadt
öppen am sunntig mau im tierpark
är schtosst dr wage - sie fuetteret d'büffle
u di chliini grännet u schiesst dr nuggi furt
är bückt sech u är gseht chli komisch us
villecht isch's dr teddybär i sim hosesack
är list dr nuggi uf u tuet ne dr chliine wieder ine
u die grännet u grännet u hört nümme uf
u jitze wird är ganz nävös
u laat dr chinderwage schtah
sie het erwarme - nimmt die chliini i d'arme
u die wird plötzlich schtiu u lachet ds mami a
sis schnäue outo het är immer no
u so schön wie's isch - es ligt jitz nümme dinn
u mit däm chindersitz isch's nume no haub so schpitz
sie findet's sowieso e witz u wet lieber non es ching
dür d'wuche schteit är hinderem gmüesregau
är schafft im lade wo sim schwager ghört
u dä kennt'r no vor schueu u het ne nid nöge schmöcke
het ne nidemau beachtet u jitze isch es umgekehrt
aber är verchouft das gmües mit charme
är het geng e schpruch parat
är lachet mit de dame - kennt jedi bim name
da chunnt dr schwager us em lager
u si charme gheit i chopfsalat
es isch truurig - es isch wahr u me würd ne fasch nümm kenne
dr rebeu hingerem gschteu - hanspeter jitz bisch ne nümme
sie seit la mi in rue u tue d'hose wieder zue
wenn är zue're wott
sie drääit sech um u seit mir isch's nid drumm
wüu sie chopfweh hett
sie seit früecher bisch anders gsii
zärtlech lieb u fiin u nid so fett
oder schtang doch mau vor es schpiegu
u frag di was es da no z'rette git
u schnid die cottlett wieder ab
wüu die schtö dr nämlech nid
oder la se drann oder mach was'd wosch
es macht eh ke unterschied
u när schteit sie uf
geit us em zimmer
u leit e platte uf wi geng
uf e elvis schteit sie scho ewig
aber uf ihn schteit sie nümm
me cha säge sie hei's mau schön gha
es isch jaare här aber waar
so mit 14-tägige zungeküss
u nümm us em bett für nes jaar
u dr himu verhange mit ängle
wo gränne vor fröid a irem tribe
u jitz sii d'ängle verschwunde
u si hange da unde
u är weiss dass är nid ma blibe
u me cha säge das isch ganz normau
u es geit aune lüt eso
irgendwenn isch dr ofe us
u irgendweinisch isch zit zum ga
u me cha säge dass aues verbiigeit
u nüt wos git git's für immer
ussert dr elvis - uf dä schteit sie ewig
aber uf ihn schteit si nümm
E schänke der mis härz, meh ha ni ned,
du chasch es ha we de wotsch es esch es guets ond es get
no mängi wo's wörd näh, aber der wördis gäh!!!
D'Szene esch e chliini Bar ergendwo i dere Stadt
ond e bstöue e Whiskey u hocke ergendwo ab wo's grad platz het
u luege e chli ome wär so omenand hocket
aber kenne tue i niemer hie inne
überau hocke lüüt
hinger de Schampus chöble gäng e frou und e Typ
u nippe a ne Flüte
u hange anenang a
u rede öppis öber nüüt
u nume e be elei
hie u do wächslet s'Liecht
u hie u do verschwinde weder zwöi irgendwo
u irgendeinisch geit hinde e dunkublaue Vorhang uf
u henger em Vorhang hets e Böhni
u uf de Böhni steit e Frou wo i de Ungerhose ergend sone Schou zeigt.
I luege so chli zue u i hocke so chli do
gspöre plötzlech dass i ergend so ne hang uf em chnöi ha
u dräie mi um
näbe mer hocket eini wo eg no nie ha gseh
fragt mi öb i ou elei seg
u se sgi o alei
u i söu ned öberlege
u i gfau're no so
u sie wöu eifach chli rede
u vellecht set i hie no säge sie gseht schön us
sie esch e schöni met schöne länge Hoor
u klar bi e närvös worde
u klar ha ni tronke
u mit jedem Schluck het si min i chli schöner afo dönke
u nach jedem Glas Champagner het si gäng no eis wöue
u i ha zaut u zaut bes e eifach nömm ha chönne u ha gseit:
Hey wie mer ned zo mer oder so? U si het gseit:
I chönnt di so verwöhne u so ire haub stond chönnt i cho
jetz säg mer eifach nume no wievöu-
säg wievöu-
wievöu gesch mer wenn i chome?
E schänke der mis härz, meh ha ni ned,
du chasch es ha we de wotsch es esch es guets ond es get
no mängi wo's wörd näh, aber der wördis gäh!!!
E schänke der mis härz, meh ha ni ned,
du chasch es ha we de wotsch es esch es guets ond es get
no mängi wo's wörd näh, aber der wördis gäh!!!
E schänke der mis härz, meh ha ni ned,
du chasch es ha we de wotsch es esch es guets ond es get
no mängi wo's wörd näh, aber der wördis gäh!!!
E schänke der mis härz, meh ha ni ned,
du chasch es ha we de wotsch es esch es guets ond es get
no mängi wo's wörd näh
d'luft isch dünn da obe
sie blast mr ume chopf
u i ha chaut wi nes schwein
i luege zue dr abe
i gsee di genau
gsee wi d'bi mir daheim
näb dene gruusige nägelichränz
näbe mir uf em teppich hocksch
es schiisst mi fasch gar nid a
uf di erlöösti da z'hocke
u dii so müesse z'gsee
jitz lütet dini schwöschter a
u du grännisch u sie seit:
s'hett villech so söue sii
was weiss de die scho wi's tuet
we's när plötzlech so isch
wi's söu sii
i has gar nid so ärnscht gmeint
es hätt mee so 'ne tragischi schou söue gää
i ha no ghört wi de heichunnsch
un'i hätt dr chönne rüeffe
aber i idiot bi so erchlüpft ab au däm bluet
u nör bricht mr no dä schiis schlüssu ab
