Tuisblad

Welkom by Wikipedia, die vrye ensiklopedie wat deur enigeen gewysig kan word.	Donderdag, 11 Oktober 2012 Hier is tans 24 391 artikels in Afrikaans.
Help ons om 'n wêreldklas Afrikaanse ensiklopedie te skep.

Inleiding • Hulp • Kontak

Gebruikersportaal • Voorbladartikels • Kategorieë • Stel 'n vraag

Voorbladartikel

Namibië, amptelik die Republiek van Namibië (Engels: Republic of Namibia, Duits: Republik Namibia) is ’n land in Suider-Afrika waarvan die westelike grens die Atlantiese Oseaan is. Die land grens ook aan Angola en Zambië in die noorde, Botswana in die ooste en Suid-Afrika in die ooste en suide. Hoewel dit nie aan Zimbabwe grens nie is Namibië met 200 m se rivierbedding van Zimbabwe geskei (dit is waar die grens met Zambië en Botswana is). Die land het op 21 Maart 1990 onafhanklikheid van Suid-Afrika gekry na afloop van die Suid-Afrikaanse Grensoorlog. Die hoofstad en grootste stad is Windhoek. Namibië is ’n lidland van die Verenigde Nasies, die Suider-Afrikaanse Ontwikkelingsgemeenskap, die Afrika Unie en die Britse Statebond.

Die droë grond van Namibië is sedert die vroegste tye deur Boesmans, Damaras en Namas bewoon en sedert ongeveer die 14de eeu n.C. deur immigrerende Bantoes wat met die Bantoemigrasie gekom het. Dit het in 1884 ’n protektoraat van die Duitse Keiserryk geword en ’n Duitse kolonie gebly tot aan die einde van die Eerste Wêreldoorlog. In 1920 het die Volkebond aan Suid-Afrika ’n mandaat gegee om die land te bestuur. Suid-Afrika het sy wette dus ook op Suidwes-Afrika toegepas.

Opstande en eise deur leiers in Afrika het daartoe gelei dat die VN direkte verantwoordelikheid oor die gebied geneem het. Dit het SWAPO in 1973 erken as die amptelike verteenwoordiger van die Namibiërs. Namibië het egter gedurende hierdie tyd steeds onder Suid-Afrikaanse regering gebly. Na interne konflik het Suid-Afrika in 1985 ’n tussentydse administrasie in Namibië ingestel. Namibië het in 1990 volle onafhanklikheid van Suid-Afrika verkry, met die uitsondering van Walvisbaai en die Pikkewyn-eilande wat tot 1994 onder Suid-Afrikaanse beheer gebly het.

Namibië het ’n bevolking van 2.1 miljoen mense en ’n veelparty parlementêre demokrasie. Landbou, veeteelt, toerisme en mynbou — insluitend die myn van diamante, uraan, goud, silwer en onedele metale — vorm die ruggraat van die Namibiëse ekonomie. Gegewe die teenwoordigheid van die onherbergsame Namibwoestyn, is Namibië een van die yl bevolkste lande ter wêreld. Ongeveer die helfte van die bevolking leef onder die internasionale broodlyn en die land is swaar getref deur die Vigs-epidemie met 15% van die volwasse bevolking wat in 2007 besmet was.

...lees verder

In die nuus

Die historiese Soeks-basaar in die ou stad van Aleppo, een van die UNESCO-wêrelderfenisgebiede in Sirië, word deur 'n brandramp vernietig.
Vier en 'n half jaar ná se eensydige onafhanklikheidsverklaring van Serwië kry Kosowo de facto volle soewereiniteit.
Kanada verbreek hul diplomatieke bande met Iran.
Die Amerikaanse ruimtevaarder Neil Armstrong, wat as eerste man op die maan geloop het, sterf in die ouderdom van 82 jaar in Columbus, Ohio.
Die Noorweegse terroris Anders Behring Breivik word vir die bomaanslag in Oslo en die skiettog op die eiland Utøya tot 21 jaar gevangenisstraf gevonnis.

Het u geweet...

...dat die diepste myn ter wêreld in Suid-Afrika is? Die Western Deep Levels-myn in Carletonville is 3,5 km diep.

...dat die wêreld se oudste restaurant in Salzburg in Oostenryk is? Die Stiftskeller St. Peter was oorspronklik 'n klooster wat reeds in 803 n.C. begin het om reisigers van maaltye te voorsien.

Vandag in die geskiedenis

11 Oktober: Dubbel Negende Fees op die Sjinese kalender (2005)

1899 - Die Tweede Vryheidsoorlog breek in Suid-Afrika uit tussen die Verenigde Koninkryk en die twee Boererepublieke, die Oranje Vrystaat en die ZAR.
1954 - Ho Chi Minh en die Viet Minh neem beheer oor Noord-Viëtnam.
1968 - Stigting van die Parti Québécois, 'n politieke party in die Franstalige Kanadese provinsie Québec, wat na die onafhanklikheid van die provinsie strewe.
1968 - NASA lanseer Apollo 7, die eerste bemande sending van die Apollo-program .