وزیر اعظم گیلانی نے ایک اجلاس سے خطاب کرتے ہوئے کہا ہے کہ حکومت پیچیدہ قومی مسائل کو حل کرنا جانتی ہے
پاکستان کی حکومت نے سپریم کورٹ کے حالیہ اقدامات کے بعد اپنے آئینی اختیارات کا دفاع کرنے کا فیصلہ کیا ہے اور وزیر اعظم یوسف رضا گیلانی نے کہا ہے کہ پاکستان میں جمہوریت محترمہ بے نظیر بھٹو کی نو سالہ جدوجہد اور عظیم قربانی کے نتیجے میں بحال ہوئی ہے اور ہم اسے ضائع ہونے نہیں دیں گے۔

وزیر خارجہ ہلیری کلنٹن نے ایوانِ نمائندگان کی خارجہ امور کی کمیٹی سے بل کی منظوری پر گہری تشویش کا اظہار کیا ہے۔
امریکی وزیر خارجہ ہلیری کلنٹن نے ریپبلکن پارٹی کی جانب سے پاکستان اور کئی عرب ملکوں کو دی جانے والی امداد مشروط کرنے والے بِل کو تنقید کا نشانہ بنایا ہے اور کہا ہے کہ وہ اس بل کو رکوانے کی کوشش کریں گی۔

ناروے کے وزیر اعظم یینس اسٹالٹین برگ نے دارالحکومت اوسلو میں جمعے کو ہونے والے بم دھماکے اور فائرنگ کے واقعات کی تحقیقات کے لیے ایک آزاد کمیشن بنانے کا اعلان کیا ہے۔
کمیشن ان واقعات میں چھہتر افراد افراد کی ہلاکت اور پولیس کے کردار کا جائزہ لے گا جس پر الزام ہے کہ اس کا ردعمل بہت سست تھا۔
اسکے علاوہ جن علاقوں میں تشدد کے یہ واقعات ہوئے تھے وہاں کے لیے محکمہ پولیس میں مزید ایک سو آسامیاں پیدا کی جارہی ہیں۔

فل کورٹ سے اپنے خطاب میں چیف جسٹس نے عدالت کے سینیئر ترین جج جسٹس جاوید اقبال کی خدمات کو سراہا
سپریم کورٹ کے فل کورٹ اجلاس میں فیصلہ کیا گیا ہے کہ آئین کا دفاع اور تحفظ کیا جائے گا اور حالات کچھ بھی ہوں آئین سے انحراف نہیں کرنے دیا جائے گا۔
سپریم کورٹ کی طرف سے جاری ہونے والے ایک اعلامیے کے مطابق سپریم کورٹ کا فل کورٹ اجلاس چیف جسٹس افتخار محمد چودھری کی صدارت میں ہوا جس میں عدالت عظمیٰ کے تمام پندرہ ججوں نے شرکت کی۔

 

چاہے جیسی بھی ہو شورشِ ایں و آں
ہم کو دینی ہے امن و اماں کی اذاں
داؤ پر لگ گیے ذہن و دل، جسم و جاں ۔۔۔ امن کی فاختہ کھو گئی ہے کہاں
غم کا سینوں پہ ہے ایک کوہِ گراں ۔۔۔ کھو چکی ہے متاعِ سکونِ جہاں
بم دھماکوں کی ہر گونج کے درمیاں
ہم کو دینی ہے امن و اماں کی اذاں
شر پسندی کا چھایا ہوا ہے فسوں ۔۔۔ کیا لکھوں ، کیا پڑھوں، کیاسنوں ، کیا کہوں

جامعہ کراچی کے سینٹر فارمالیکیولرمیڈیسن اینڈ ڈرگ ریسرچ سے وابسطہ ڈاکٹر پنجوانی نے چین کے بیجنگ جنومکس انسٹیٹیوٹ کے اشتراک سے پاکستان میں پہلی بار پاکستانی شہری کے جنوم کا مکمل خاکہ تیارکرلیا ہے۔ اس مقصد کے لیے سابق وفاقی وزیرپروفیسرڈاکٹرعطاء الرحمان نے جو جامعہ کراچی کے انٹرنیشنل سینٹرفارکیمیکل اینڈ بائیو لوجیکل سائنسز کے پیٹرن بھی ہیں خود کو رضا کارانہ طورپرپیش کیا۔ پاکستان میں اس منصوبے کے سربراہ ڈاکٹراقبال چوہدری نے برطانوی خبررساں ادارے کو بتایا کہ پاکستان دنیا کا چھٹا ملک ہے جہاں یہ کام سرانجام دیا گیا ہے۔ اس سے پہلے امریکہ، یورپ، افریقہ، بھارت کے شہریوں کے علاوہ یہودیوں کے جنوم کے مکمل نقشے تیار کیے گئے ہیں۔

پاکستان کرکٹ بورڈ کی سنٹرل کنٹریکٹ کمیٹی نے بیس کھلاڑیوں کے ناموں کی حتمی فہرست چیئرمین پی سی بی اعجاز بٹ کو جمع کرادی ہے۔ دورہ زمبابوےکیلئے سلیکشن کمیٹی کا اجلاس جمعرات کو دوسرے روز بھی جاری رہے گا۔

فلسطینی صدر محمود عباس نے  کہا ہے کہ وہ مجوزہ آزاد فلسطینی ریاست کو اقوامِ متحدہ کی رکنیت دلانے کے عزم پر قائم ہیں۔

صدر عباس نے یہ بات مغربی کنارے کے شہر رملہ میں بدھ کو فلسطینی کونسل کے ارکان سے ملاقات میں کہی جس میں رواں برس ستمبر میں فلسطینی ریاست  کو عالمی ادارے  کی رکنیت  دلانے کے مجوزہ  منصوبہ پر غور کیا گیا۔

سیاسی حلقے عدلیہ اور انتظامیہ دونوں کو ایک ہی صفحے پر نہیں دیکھتے
پاکستان میں عدالتی احکامات اور سرکار کی جانب سے ان پر ردِعمل کو ذرائع ابلاغ میں بظاہر محاذ آرائی ہی سمجھا جارہا ہے۔ سیاسی جماعتیں بھی یہی مشورہ دے رہی ہیں کہ محاذ آرائی سے گریز اور جمہوری اداروں کے احترام کا راستہ اپنایا جائے۔

کراچی میں برطانوی ڈپٹی ہائی کمیشن اور برٹش کونسل نے لندن اولمپکس کے سلسلے میں ایک رنگارنگ تقریب کا اہتمام کیا
آئندہ سال لندن میں ہونے والے اولمپکس اب ٹھیک ایک سال کی دوری پر ہیں اور اس سلسلے میں فائنل’ کاؤنٹ ڈاؤن‘ شروع ہوگیا ہے۔
لندن اور دنیا کے مختلف شہروں میں اس سلسلے میں خصوصی تقریبات کا انعقاد کیا گیا۔

سیکریٹری جنرل کا عہدہ فی الحال خالی ہے اور احسن اقبال قائم مقام سیکریٹری جنرل کے طور پر کام کریں گے
پاکستان مسلم لیگ نواز کی سینٹرل ورکنگ کمیٹی نے میاں نواز شریف کو دس برس بعد دوبارہ پارٹی کا بلا مقابلہ صدر منتخب کرلیا ہے۔
کنوینشن سینٹر اسلام آباد میں منعقد اجلاس میں راجہ ظفر الحق کو چیئرمین، مخدوم جاوید ہاشمی کو سینئر نائب صدر، احسن اقبال ڈپٹی سیکریٹری جنرل، ایاز صادق کو سیکریٹری مالیات، مشاہداللہ خان کو سیکریٹری اطلاعات منتخب کیا گیا۔ جبکہ سردار یعقوب ناصر، سید غوث علی شاہ، سرتاج عزیز اور سردار سکندر حیات کو نائب صدر منتحب کیا گیا۔

مسلم لیگ ن کے جنرل کونسل اجلاس میں میاں نواز شریف کو پارٹی کا بلامقابلہ صدر اور سرتاج عزیز کو سیکرٹری جنرل منتخب کرلیا گیا ۔

سلیم شہزاد تحقیقاتی کمیشن کا کہنا ہے کہ تحقیقات میں بعض صحافیوں کی جانب سے تعاون نہیں کیا جا رہا ہے جبکہ کمیشن آئندہ چند روز میں سلیم شہزاد کی لاش اور گاڑی ملنے والی جگہوں کا دورہ کریگا۔

بھارتی وزیر اعظم من موہن سنگھ نے وزیر خارجہ حنا ربانی کھر کی جانب سے دی جانے والی دورہ پاکستان کی دعوت قبول کر لی ۔

حنا ربانی کھر نے نئی دہلی میں بھارتی وزیر اعظم سے ملاقات کی جس میں بھارتی وزیر کو دورہ پاکستان کی دعوت دی گئی جو انہون نے قبول کر لی ۔ اس موقع پر پاک بھارت وزراءخارجہ ملاقات اور دیگر امور پر بھی تفصیلی تبادلہ خیال کیا گیا ۔

پاکستان کی وزیر خارجہ نے حزب مخالف کے رہنما ایل کے ایڈاوانی سے بھی ملاقات کی۔

اٹارنی جنرل کا کہنا تھا کہ کسی بھی صوبے کی پولیس کے سربراہ کی تعیناتی وزیر اعظم کا اختیار ہے
سپریم کورٹ نے سیکریٹری اسٹیبلشمنٹ ڈویژن سہیل خان کو افسر بکار خاص (او ایس ڈی) بنانے پر وزیر اعظم سے تحریری وضاحت طلب کی ہے اور وفاقی حکومت کو سہیل خان کو اُن کے عہدے پر بحال کرنے کے لیے چوبیس گھنٹے کی مہلت دی ہے۔