طالبان سے مذاکرات کی سربراہی افغان حکومت کرے: محمد صادق
پاکستان کا کہنا ہے کہ افغانستان میں امن کے قیام کے لیے طالبان سے ہونے والے مذاکرات کی سربراہی افغان حکومت کرے اور بعد میں اس کی ذمہ داری بھی قبول کرے ۔
یہ بات افغانستان میں تعینات پاکستان کے سفیر محمد صادق نے بی بی سی کی نامہ نگار ارم عباسی کو ایک خصوصی انٹرویو میں کہی۔

ہمیں قومی بحث کا آغاز کرنا چاہیے: سعودی شہزادی
سعودی عرب کے سابق بادشاہ عبدالعزیز کی سب سے چھوٹی صاحبزادی شہزادی بسما بنت سعود السعود نے کہا ہے کہ دنیائے عرب کو اپنی لپیٹ میں لینے والی تبدیلی کی موجودہ لہر سے سعودی عرب بھی محفوظ نہیں ہے۔
یہ بات انہوں نے بی بی سی عربی کے نامہ نگار طارق ناصر سے ایک خصوصی انٹرویو میں کہی۔ انہوں نے سعودی عرب میں مزید آزادی کا مطالبہ کیا ہے۔

پارلیمان کے باہر شدید جھڑپیں جاری ہیں
یونانی پارلیمان نے ملک بھر میں احتجاجی مظاہروں کے باوجود اٹھائیس ارب یورو کی امداد کے لیے بچت کے غیر مقبول پروگرام کی منظوری دے دی ہے ۔ خدشہ ظاہر کیا جا رہا تھا کہ اگر یونانی پارلیمان نے اس پیکج کو منظور نہ کیا تو ملک دیوالیہ ہو جائے گا۔

اتحادی سپورٹ فنڈ بند ہونے سے دہشتگردی کے خلاف جنگ متاثر ہو رہی ہے: پاکستان وزیر دفاع
وزیر دفاع چوہدری احمد مختار نے کہا ہے کہ پاکستان نے امریکہ سے کہا ہے کہ بلوچستان میں واقع شمسی ایئر بیس کو خالی کر دے جسے وہ ڈرون حملوں کے لیے استعمال کرتا تھا۔
پاکستان کے سرکاری ذرائع ابلاغ کے مطابق وزیردفاع احمد مختار نے کہا کہ دو مئی کو ایبٹ آباد میں امریکہ کے یکطرفہ اقدم سے پاکستان اور امریکہ کے درمیان اعتماد کا فقدان پیدا ہوا ہے۔ انہوں نے کہا کہ اعتماد کے اس فقدان کو بات چیت اور مشترکہ کاررائیوں کے ذریعے کم کیا جا سکتا ہے۔

مزید ٹیکسوں کے نفاذ سے آمدنی کو بڑھایا جائے گا
یونان کی پارلیمان بچت کے کئی اقدامات پر بحث کر رہی ہے جن کی منظوری یورپی یونین اور آئی ایم ایف سے مزید فنڈز کے حصول کے لیے لازمی ہے۔
پانچ سالہ پروگرام میں گزشتہ ہفتے ہی ترمیم کی گئی تھی جس کے مطابق مزید ٹیکسوں کے نفاذ سے آمدنی کو بڑھایا جائےگا جبکہ اخراجات کی مد میں کٹوتی میں کمی کی جائے گی۔

سیکورٹی فورسز نے تین خواتین سمیت پانچ غیر ملکی افراد کو خودکش حملہ آور قرار دے کر ہلاک کردیا تھا
بلوچستان کے وزیراعلیٰ نواب اسلم رئیسانی کا کہنا ہے کہ سانحہ خروٹ آباد سے متعلق خصوصی ٹریبونل کی تحقیقاتی رپورٹ کو نہ صرف منظر عام پر لایا جائے گا بلکہ اس کی سفارشات پر بھی عمل کیا جائے گا۔

نکسلیوں کے حملے میں بہت سےجوان ہلاک ہوچکے ہیں
ریاست چھتیس گڑھ میں ماؤنواز باغیوں کے ساتھ مقابلے میں مارےگئے پولیس اہلکاروں کی لاشوں کو لانے کے لیے کوڑے والے ٹرک کے استعمال پر تنازعہ پیدا ہوگيا ہے۔
پولیس حکام کا کہنا ہے کہ جہاں پر مقابلہ ہوا تھا وہاں سے پولیس کی لاشوں کو منتقل کرنے کا کوئی دوسرا ذریعہ نہیں تھا اس لیے کوڑے والی گاڑی کا استعمال کرنا پڑا۔

تحریک کے اندر عدل و انصاف بالکل نہیں تھا: فضل سعید حقانی
کالعدم تنظیم تحریک طالبان پاکستان سے علیحدگی اختیار کرنے والےکمانڈر نے کہا ہے کہ ان کے گروپ کے جنگجو سرحد پار افغانستان میں افغان طالبان کمانڈر جلال الدین حقانی گروپ کے شانہ بشانہ امریکہ کے خلاف جنگ لڑ رہے ہیں۔

ان کے اکیاون اراکین سے دستخط کرانے کے بعد یہ درخواست جمع کرائی گئی ہے: رضا ہارون
متحدہ قومی موومنٹ نے وفاق اور صوبائی حکومت سے علیحدگی کے بعد سندھ اسمبلی میں اپوزیشن بینچوں پر بیٹھنے کے لیے درخواست دے دی ہے۔
متحدہ قومی موومنٹ کے پارلیمانی رہنما سید سردار احمد کی قیادت میں اراکین اسمبلی نے سندھ اسمبلی کے سیکریٹری کے پاس یہ درخواست جمع کرائی۔

امریکہ، فلسطینی اتھارٹی کی درخواست کو ویٹو کرسکتا ہے
فلسطین کو اقوام متحدہ کی مکمل رکنیت دیے جانے کے سلسلے میں آئندہ دو ماہ کے دوران سفارتی ماحول گرم ہونے کی توقع ہے لیکن اس گرمی سے بھی برف پگھلتی نظر نہیں آرہی۔
واضح رہے کہ پیر کو غرب اردن پر حکمراں فلسطینی اتھارٹی نے باقاعدہ طور پر اقوام متحدہ کی مکمل رکنیت حاصل کرنے کا اعلان کیا تھا۔

ایف سی اہلکار بلوچستان میں اس طرح بیٹھے ہیں جیسے فوج کسی علاقے پر قبضہ کر کے بیٹھ جاتی ہے: حنا جیلانی
پاکستان میں حقوق انسانی کے کمیشن نے مطالبہ کہا ہے کہ بلوچستان میں فوج نے عملاً صوبے کا انتظام سنھبال رکھا ہے اور سیاسی قوتیں اپنی ذمہ داریوں سے پیچھے ہٹ گئی ہیں۔

گوگل نے گوگل پلس کو ابھی صارفین کی ایک محدود تعداد کے لیے جاری کیا ہے
انٹرنیٹ کے ایک بڑے گروپ گوگل نے فیس بک کے مقابلے میں سماجی رابطے کی ویب سائٹ گوگل پلس کا آغاز کر دیا ہے۔
فیس بک کے مطابق اس کے صارفین کی تعداد پچاس کروڑ سے تجاوز کر چکی ہے۔

وزیر دفاع احمد مختار نے کہا ہے کہ پاکستان کو مشرقی سرحد پر کوئی خطرہ نہیں ہے ، امریکاکے ساتھ اعتماد میں شدید کمی آئی ہے ، پاکستان نے اسے شمسی ایئر بیس خالی کرنے کا کہہ دیا ہے۔

صدر آصف علی زرداری اپنے پرائیویٹ میڈیکل علاج کے لئے لندن میں سرکردہ ڈاکٹرز کا وزٹ کررہے ہیں۔ یہ بات صدارتی وفد میں شامل ایک قابل اعتماد ذریعے نے دی نیوز کو بتائی۔ پیر کو صدر آصف زرداری نے ایک پرائیویٹ کلینک میں تین گھنٹے سے زائد وقت گزارا تھا اور انہیں منگل کو چیک اپ کے لئے دوبارہ بلایا گیا اس سے قبل صدر آصف زرداری منگل کو علی الصباح سینٹرل لندن میں ایک خاص میڈیکل فیسیلٹی میں ٹاپ سرجنز کے پاس گئے تھے۔

تمام ملزمان نے الزام تسلیم کرنے سے انکار کیا
کراچی میں رینجرز کی فائرنگ سے ہلاک ہونے والے نوجوان سرفراز شاھ کے قتل میں ملوث سات ملزمان پر بدھ کو فرد جرم عائد کردی گئی۔
انسداد دہشت گردی کی عدالت کے جج بشیر احمد کھوسو نے ملزمان کو جرم پڑھ کر سنایا۔ فردِ جرم میں کہا گیا ہے کہ گیارہ جون دو ہزار گیارہ کو مقتول سرفراز شاھ کو شاہد ظفر نے فائر کرکے قتل کیا جو دہشت گردی کا عمل تھا۔ اس سے عوام میں خوف کا تاثر پیدا ہوا ہے۔

کئي امور پر خاموشی اختیار کرنےکے پرمسٹر سنگھ پر نکتہ چینی ہورہی تھی
بھارت کے وزیر اعظم منموہن سنگھ نے حزب اختلاف اور میڈیا کی تنقید کو مسترد کرتے ہوئے کہا ہے کہ وہ ایک کٹھ پتلی وزیر اعظم نہیں ہیں۔
انہوں نے کہا ہے کہ وہ ایک بااختیار وزیراعظم ہیں اورحکومت پر ان کا پورا کنٹرول ہے۔ یہ بات بھارتی وزیر اعظم نے اپنی رہائش گاہ پر پانچ اخبارات کے مدیروں سے تقریباً ایک گھنٹے تک بات چیت کے درران کہی۔

اس مواد کو دیکھنے/سننے کے لیے جاوا سکرپٹ آن اور تازہ ترین فلیش پلیئر نصب ہونا چاہئیے
تازہ ترین فلیش پلیئر یہاں دستیاب ہے
متبادل میڈیا پلیئر چلائیں
پاکستان کا کہنا ہے کہ بدھ کو افغان طالبان کے ساتھ مذاکرات کو آگے بڑھانے کے لائحہ عمل پر پاکستان اور افغانستان کے حکام کے درمیان بات چیت ہو رہی ہے۔

معاملے کا جائزہ لینے کے لئے سلطان رانا اور شفیق احمد پاپا پر مشتمل دو رکنی کمیٹی قائم کی گئی تھی
پاکستان کرکٹ بورڈ نے سلیکشن کمیٹی کے رکن محمد الیاس کی معطلی ختم کردی ہے۔
انہیں متنبہ کیا گیا ہے کہ وہ مستقبل میں بیانات دینے کے سلسلے میں محتاط رہیں۔