حکام نے ہلاکتوں کی تعداد میں اضافے کا خدشہ ظاہر کیا ہے
امریکی صدر اوباما جلد ہی ملک کی جنوب مشرقی ریاستوں میں بدترین طوفان اور تیز ہواؤں کے بگولوں سے متاثرہ علاقوں کا دورہ کرنے والے ہیں۔
’امریکی حکام کا کہنا ہے کہ بگولوں کی زد میں آ کر ہلاک ہونے والوں کی تعداد دو سو ستانوے ہو گئی ہے۔ سب سے زیادہ ہلاکتیں ریاست الاباما میں ہوئیں جہاں ہلاک ہونے والوں کی تعداد دو سو دس بتائی جاتی ہے۔

مظاہرین نے مری امن معاہدے کی خلاف ورزی کرنے والوں کے خلاف سخت ترین کاروائی کا مطالبہ کیا
پاکستان کے قبائلی علاقے کرم ایجنسی میں سڑکوں کی بندش اور مغویوں کی بازیابی کےلیے احتجاج کا سلسلہ جاری ہے۔
جمعہ کو اسلام آباد میں منعقدہ ایک مظاہرے میں مظاہرین نے شاہراہوں کو محفوظ بنانے کےلیے فوج کی تعیناتی کا مطالبہ کیا ہے۔

ہڑتال سے کئی پروازیں منسوخ کر نی پڑی ہیں
بھارت کی سرکاری ایئر لائن ایئر انڈیا کے تقریباً آٹھ سو پائلٹوں کی ہڑتال جمعہ کو تیسرے روز بھی جاری ہے جس سے اس کی بیشتر پروازیں منسوخ ہو گئی ہیں۔
ہڑتال کا سلسلہ منگل کی نصف شب سے شروع ہوا تھا۔ گزشتہ روز اس کا اثر قدرے کم تھا لیکن جمعہ کو بیشتر پروازیں منسوخ کر دی گئیں۔

کھیل میں نسلی امتیاز کی کوئی جگہ نہیں ہے چاہے وہ تربیتی اکیڈمیز ہی کیوں نہ ہوں: فرانسیسی وزیر
فرانس کی وزیر برائے کھیل شینٹل جوآنو نے ملک کی فٹ بال فیڈریشن سے ان خبروں پر وضاحت طلب کی ہے جن میں کہا گیا ہے کہ زیر تربیت کھلاڑیوں کا نسلی بنیاد پر کوٹہ مختص کیا ہوا ہے۔

مختلف گھرانے اسے اچھا نہیں سمجھتے مگر اب حالات بدل رہے ہیں: بریکھنا
انتیس اپریل کو ہرسال اقوام متحدہ کےذیلی ادارے یونیسکو کےتعاون سے عالمی یومِ رقص منایاجاتا ہے۔ یہ دن معروف فرانسیسی رقاص ژاں جارج نوویرکایومِ پیدائش ہےاور اسی مناسبت سے رقص کی بین الاقوامی کمیٹی نےاس دن کوانیس سو بیاسی میں عالمی یومِ رقص قرار دیا۔

ایک طرف طالبان ہیں اور دوسری طرف فوج ہے دونوں ایک نہر میں پھنسے ہوئے ہیں: وزیرستان آئی ڈی پی
پاکستان کے قبائلی علاقوں میں فوجی آپریشن سے متاثر ہو کر نقل مکانی کرنے والے کو ایک نئی شناخت ملی ہے۔ ان افراد سےجب بھی کہا جاتا ہے کہ وہ اپنا تعارف کرا دیں تو ان کا جواب ہوتا ہے’میں آئی ڈی پی ہوں‘۔ باقی شناخت بعد میں بتائی جاتی ہے۔

دنیا کی مشہور الیکٹرونک کمپنی سونی کا کہنا ہے کہ پلے سٹیشن گلوبل گیم پلیئنگ نیٹ ورک پر کریڈٹ کارڈ کی معلومات محفوظ ہیں۔
سونی کے اس بیان سے پلے سٹیشن کے صارفین کچھ مطمئن ہوں گے کہ ان کے کریڈٹ کارڈ کی معلومات غلط ہاتھوں میں نہیں جائیں گی۔ تاہم صارفین کی ذاتی معلومات اس قدر محفوظ نہیں رکھی گئی تھیں۔
واضح رہے کہ اس سے قبل سونی نے پلے سٹیشن گلوبل گیم پلیئنگ نیٹ ورک استعمال کرنے والے صارفین کو متنبہ کیا تھا کہ اس نظام پر ہونے والے ہیکر حملے میں ان کی کریڈٹ کارڈ معلومات سمیت ذاتی معلومات چرائی جا سکتی ہیں۔

درعا میں سکیورٹی فورسز نے مظاہرین کو ڈرانے کے لیے ہوائی فائرنگ کی
شام کے دارالحکومت دمشق سمیت کئی شہروں میں جمعہ کو حکومت مخالف مظاہرے ہو رہے ہیں جن میں ہزاروں افراد شرکت کر رہے ہیں۔
مظاہروں کو روکنے کے لیے دمشق میں بڑی تعداد میں مسلح فوج اور سکیورٹی فورسز موجود ہیں۔ سکیورٹی فورسز نے جمعہ کی نماز ختم ہونے پر مظاہرین کو جمع ہونے سے روکنے کے لیے آنسو گیس کا استعمال کیا۔

رواں ہفتے میں نیوی کی بسوں پر تین حملے ہوئے
کراچی میں جمعہ کی صبح رینجرز نے بلدیہ ٹاؤن سمیت دیگر علاقوں میں سرچ آپریشن کیا۔
رینجرز کے ترجمان کے مطابق بلدیہ ٹاؤن اور لانڈھی سے سترہ افراد کو اسلحہ سمیت گرفتار کیا گیا ہے۔

عدالت نے مقدمے کی سماعت چھ مئی تک ملتوی کردی
سپریم کورٹ آف پاکستان نے وفاقی تحقیاتی ادارے ایف آئی اے کو حج انتظامات میں بدعنوانی کے مقدمے کی تفتیش کرنے والے افسران کی تبدیلی پر برہمی کا اظہار کرتے ہوئے کہا ہے کہ اگر ان افسرن کو اس مقدمے کی تفتیش دوبارہ نہ سونپی گئی تو عدالت اُن کی ٹرانسفر کے احکامات معطل کردے گی۔

فلم ’شی منکِیز‘ کا ایک منظر

دو نوجوان لڑکیوں کی دوستی اور مخاصمت پر بنی سویڈن کی فلم ’شی منکِیز‘ نے نیویارک میں ’ٹرائی بیکا‘ انعام جیت لیا ہے۔ گھڑسواری کی دنیا میں بنی ہدایتکارہ لیزا ایسکان کی اس فلم کو بہترین کہانی کی وجہ سے پچیس ہزار ڈالر کا انعام دیا گیا۔

ہلاک ہونے والےمذہبی اور سیاسی جماعتوں کے کارکن بتائے جاتے ہیں
کراچی میں گزشتہ چوبیس گھنٹوں میں سیاسی اور مذہبی جماعتوں کے پانچ کارکنوں کو ہلاک کیاگیا ہے۔
شہر کے مرکزی علاقے گارڈن ایسٹ میں نامعلوم مسلح افراد کی فائرنگ میں مسجد کے پیش امام مولانا ارشاد عباسی ہلاک ہوگئے ہیں۔ سولجر بازار پولیس کا کہنا ہے کہ مقتول فجر کی نماز پڑھانے جا رہے تھے کہ راستے میں ان پر حملہ کیا گیا۔

پاکستان نے جوہری ہتھیار لے جانے والے میزائل کا کامیاب تجربہ کیا ہے۔
فوج کے شعبۂ تعلقات عامہ کی جانب سے جاری کردہ بیان میں بتایا گیا ہے کہ جمعہ کو بیلسٹک میزائل حتف آٹھ کا کامیاب تجربہ کیا گیا ہے۔

پچھلے تیس برس سے وہ ایک فری لانس رائٹر کے طور پر زندگی بسر کررہے تھے
اردو کے معروف قلم کار اے حمید جمعہ کوعلی الصبح لاہور کے ایک ہپستال میں انتقال کر گئے۔ وہ کچھ عرصے سے علیل تھے۔
اے حمید سنہ انہیں سو اٹھائیس میں امرتسر میں پیدا ہوئے۔

بی بی سی اردو نے پاکستان کی جامعات کے طلباء کی آواز اور ان کی آراء کو سامنے لانے کا اہتمام کیا ہے۔ ’ کیا کریں؟‘ کے عنوان سے یہ ہفتہ وار سلسلہ تیرہ ہفتوں تک جاری رہے گا۔
ہر سنیچر کو ہونے والی بحث سے قبل بی بی سی اردو ڈاٹ کام پر اس ہفتے کی منتخب جامعہ کے طلباء کی جانب سے لکھے گئے بلاگ بھی شائع کیے جائیں گے۔ اس ہفتے انٹر نیشنل اسلامک یونیورسٹی اسلام آباد کے محمد سعید یوسفزئی کا بلاگ شائع کیا جا رہا ہے۔

بھارت کئی جدید قسم کے جنگی جہاز خریدنا چاہتا ہے
بھارت نے امریکہ کو یہ اطلاع دے دی ہے کہ بھارت نے جن کمپنیوں کے جنگی جہاز خریدنے کا فیصلہ کیا ہے ان میں امریکی کمپنیوں کو شامل نہیں کیا گیا ہے۔ امریکہ دس ارب ڈالر کے اس سودے کے بارے میں بہت پر امید تھا۔
امریکہ کی طرف سے بوئنگ ایف اے 18 سپر ہارنٹ اور لاک ہیڈ مارٹن کے ایف 16 جنگی طیارے کی پیشکش کی گئی تھی۔ دونوں امریکی کمپنیوں کو دفاعی سودے کی دوڑ سے باہر کیے جانے پر امریکہ نے مایو‎سی ظاہر کی ہے۔