بھارتی وزیر داخلہ چدم برم نے کہا ہے کہ پاکستان نے ممبئی حملوں کے ماسٹر مائنڈ کو گرفتار کرنے کا وعدہ پورا نہیں کیا۔
ممبئی میں ایک تقریب میں بات چیت کرتے ہوئے چدم برم نے کہا کہ انھیں امید ہے کہ سانحہ ممبئی کو دو سال مکمل ہونے پر پاکستان اپنی ذمے داری کو محسوس کرے گا ۔

پاکستان کرکٹ بورڈ کے ڈائریکٹر جنرل جاوید میاندادکو بیٹنگ کنسلٹنٹ کی حیثیت سے قومی ٹیم کے ساتھ نیوزی لینڈ کا دورہ کریں گے۔

انگلینڈ کیخلاف ٹیسٹ کے دوسرے دن کھیل ختم ہونے پر آسٹریلیا نے پانچ وکٹوں کے نقصان پر دوسوبیس رنز بنائے۔
برسبین میں ٹیسٹ کےد وسرے روز آسٹریلیا نے نامکمل اننگز بغیر نقصان کے پچیس رنز سے شروع کی۔

قومی اسمبلی میں اپوزیشن لیڈر چودھری نثار علی خان کا کہنا ہے کہ ایجنسیاں ملزمان کو اٹھا کر لے جاتی ہیں اور کوئی پوچھنے والا نہیں، انہوں نے کہا کہ کسی بھی ملک میں ایجنسیوں اور عہدیداروں پر قانون اسی طرح لاگو ہوتا ہے جس طر ح عام شہریوں پر۔

بھارت نے ایک بار پھرالزام عائد کرتے ہوئے پاکستان سے اپنی سرزمین سے دہشتگرد نیٹ ورک ختم کرنے کا مطالبہ کیا ہے۔

مرکز اطلاعات فلسطین کے مطابق اسرائیلی وزیراعظم بنجمن نیتن یاھو نے کہا ہے کہ وہ جلد ہی ملک کے سب سے بڑے انٹیلی جنس کے ادارے"موساد" کے نئے سربراہ کا تقرر کرنے کا اعلان کریں گے.

دوسری جانب ذرائع کے مطابق صہیونی وزیراعظم نیتن یاھو اور ان کی کابینہ کے بعض اہم وزراء کے مابین موجودہ موساد کے چیف "مائیر ڈاگان" کے جانشین کی تقرری میں اختلافات موجود ہیں. کابینہ میں ابھی تک کسی نام پر اتفاق نہیں کیا جا سکا، جبکہ اب تک موساد کے نئے چیف کی تقرری کے لیے نام خفیہ رکھے جا رہے ہیں.

کراچی سے عالمی اخبار کے نمائیندے نے کہا ہے کہ ذرائع کے مطابق رینجرز کے اہلکاروں نے گلستان جوہر میں واقع رابعہ سٹی کے بلاک اے اور بی کے فلیٹوں کی تلاشی لینا شروع کردی ہے

اس سے قبل رینجرز نے رابعہ سٹی کا محاصرہ کرکے دکانوں کی تلاشی لی تھی ۔

محاصرے کے دوران رینجرز اہلکاروں نے رابعہ سٹی میں موجود لوگوں کو باہر جانے کی اجازت نہیں دی جبکہ باہر سے آنے والوں کو بھی روکے رکھا تاہم صرف خواتین کو تلاشی کے بعد اندر آنے کی اجازت دی گئی۔

وفاقی وزیر کھیل اعجاز جاکھرانی نے کہا ہے کہ ایشین گیمز میں گولڈ میڈل جیتنے والی قومی ہاکی ٹیم کے تمام کھلاڑیوں کی ملازمتوں کو فوری طور پر مستقل کر دیا جائے گا۔

پاکستان ہاکی فیڈریشن کےصدر قاسم ضیا نے کہا ہے کہ کامیابی پر قوم کو مبارکباد دیتا ہوں اور دنیا میں دوبارہ پاکستانی ہاکی کو عروج ملے گا۔

 دوران قاسم ضیا کا کہنا تھا کہ پاکستان نے ہاکی میں آج رکاوٹ عبور کرلی ہے۔ پوری ہاکی ٹیم متحد ہوکر کھیلی ہے۔ ان کا کہنا تھا کہ واپس آنے کے بعد ٹیم کو اتنے انعامات ملیں گے کہ دنیا دیکھے گی۔