سپریم کورٹ میں کل پیر کو اٹھارویں ترمیم کے خلاف دائر درخواستوں، این آر او عملدرآمد کیس سمیت اہم نوعیت کے مقدمات کی سماعت ہورہی ہے۔

سپریم کورٹ نے این آر او عملدرآمد کیس میں گزشتہ سماعت پر اٹارنی جنرل کو سوئس مقدمات دوبارہ کھولنے کیلئے خط لکھنے کے حوالے سے حکومتی موقف سے آگاہ کرنے کی ہدایت کی تھی اور اطلاعات کے مطابق وزیر اعظم نے اس سلسلے میں سمری پر دستخط کر دیئے تھے جس پیر کو عدالت میں پیش کیا جائے گا اور اس اقدام کو ملکی سیاست کے لیئے نہایت اہم قرار دیا جا رہا ہے۔

ڈاکٹر عافیہ صدیقی کے مقدمے کا 111 صفحات پر مشتمل تفصیلی فیصلہ جاری کردیا گیا ہے جس میں مقدمے کے تمام محرکات کا جائزہ لیا گیا ہے ۔

امریکی فیڈرل کورٹ نے افغانستان میں امریکی فوجیوں پرحملے کی کوشش سمیت7 الزامات میں ڈاکٹر عافیہ صدیقی کو86 سال قید کی سزا سنائی تھی اور یہ سزا 7 الزامات کے تحت سزا سنائی گئی تھی

یورپی تحقیق کاروں کا کہنا ہے کہ نسیان کی بیماری دنیا بھر میں تین کروڑ پچاس لاکھ لوگوں پر اثرانداز ہوچکی ہے،جس پر صرف اِس سال600ارب ڈالر سے زیادہ لاگت آئی ہے۔

برطانیہ میں قائم تنظیم ‘الزہائیمر ز ڈزایز انٹرنیشنل (اے ڈی آئی)’نے الزہائیمر اور ذہنی پسماندگی کی قسم کی دیگر بیماریوں کو اکیسویں صدی میں صحت اور معاشرے کا قابلِ ذکربحران قرار دیا ہے۔

افغان صوبے لوغر میں نیٹو فضائی حملوں میں تیس طالبان ہلاک ہوگئے ہیں۔ جبکہ سڑک کنارے بم دھماکے میں دو نیٹو فوجی مارے گئے.

نیٹو افواج حکام نے کابل سے جاری بیان میں دعویٰ کیا کہ لغمان میں طالبان کے خلاف زمینی اور فضائی کارروائی اتحادی افواج پر فائرنگ کے بعد کی گئی۔

برطانیہ کے سابق وزیر توانائی چالیس سالہ ایڈ ملی بینڈ اپنے بڑے بھائی اور سابق وزیر خارجہ ڈیوڈ ملی بینڈ کو ہرا کر لیبر پارٹی کے قائد منتخب ہو گئے اور ان نتائج کا اعلان مانچسٹر میں پارٹی کانفرنس کے موقع پر کیا گیا۔