Degemer

* War gresk ez a ar Wikipedia brezhonek atav. Gant hon holloueziadur e oa bet tizhet 33 000 pennad d'an 20 a viz Ebrel 2010. Emaomp bremañ en 54^e renk e-touez ar raktresoù Wikipedia, evit an niver a bennadoù, a-dreñv an azeri ha dirak ar serbeg-kroateg. Evit gouzout hiroc'h : An Deizlevr. Met daoust m’emaomp en ur renk mat evit an niver a bennadoù, emaomp en ur renk izeloc’h evit an danvez anezho (65vet plas [1]). Kalz pennadoù zo re verr (Lenin, tan, Dastum) ha pennadoù diazez a vank dimp ivez, evel skevent, gwad, peoc'h, gwirionez, naon, blues, butun, grip, Dispac'h Rusia… Trugarez vras d’an dud re o deus savet lod eus ar re a vanke betek nevez zo (judo, kelc'h, frouezh). Gallout a ra pep hini ac’hanomp klask sevel ar pennadoù all a vank dimp. Taolit ur sell ouzh roll ar pennadoù a ra diouer d’ar Wiki-mañ.

* Evit kaozeal diwar-benn kement tra a denn d'ar Wikipedia brezhonek, gouzout petra zo nevez, reiñ ho soñj, kit bep an amzer d'ober un dro betek Tavarn ar wikipedourien.

* Taolit ur sell ouzh ar pennadoù nevez boulc'het gant hor c'henlabourerien ha roit dorn d’o reizhañ, d’o gwellaat, d’o astenn, d’o fonnusaat. E-mesk ar pennadoù nevesañ e kaver c’hoazh meur a hini diwar-benn evned evel ar falc’huned, ar baoued, ar guped pe ar skouled.
Gant hor c’henlabourerien e c’hallomp beajiñ koulz e Breizh hag er bed a-bezh : eus Inizi Kergelenn d’ar menez-tan Eyjafjallajökull, en Island, en ur dremen dre gêrioù Brazil pe rannvroioù Danmark, hag eus gourenez Kraozon hag he begoù-douar d’ ar stêr Don, e Bro-Naoned, en ur dremen dre Stêr an Intel. Hag ober anaoudegezh gant kelaouennoù eus meur a vro : kazetennoù Israel evel Haaretz pe mangaoù Japan, evel Nakayoshi.
Ma n’hoc’h eus ket gwelet ar filmoù Iron Man pe Alis e bro ar marzhoù, film Tim Burton diwar levr Lewis Carroll, e c’hallit ober anaoudegezh ganto en hon holloueziadur, kenkoulz ha gant Mononoke Hime, oberenn gaer ar Japanad Miyazaki.
Ar re ac’hanoc’h a blij al livouriezh dezho a gavo pennadoù nevez diwar-benn an Alaman Albrecht Altdorfer, ar Gall Claude Monet pe an Italian Giovanni Antonio Boltraffio. War dachenn ar sonerezh eo ledan an dibab : adalek ar strollad Sex Pistols betek Alan Simon, aozer ar c’hoarigan Anne de Bretagne.
Poltredoù tud anavezet mui pe vui a gaver ivez : ar penn-embregerezh Jean-Jacques Hénaff pe ar soner Thomas Lotout, politikourien evel prezidant kozh Polonia Lech Kaczyński pe brezidant nevez Uruguay José Mujica, kenkoulz hag ar pab Benead XVI pe ar ganerez Carla Bruni.
Ma reer anoudegezh gant tud ha traoù eus ar bed a-bezh en hor Wikipedia, e kaver ivez danvez-lenn diwar-benn Breizh : Kastell Josilin, Produet e Breizh, Kreizenn ar Geriaouiñ pe ar vro Dardoup.
Lennit ivez an toullad pennadoù diwar-benn traoù hor buhez pemdez : lunedoù-heol, melezour, sac'h-kousket pe reiñ bronn. Danvez a bep seurt evel ma weler, ha peadra da blijout da bep Yann Vrezhonek emichañs !
Lennadennoù mat d’an holl ac’hanoc’h !

Un tamm sell war red an darvoudoù

Doare ar 5 a viz Gouere 2010 ha Keleier ar vro.

• 4 a viz Gouere : trec'h eo an nevez-frankizour Bronisław Komorowski war ar sokial-mirour Jarosław Kaczyński e dilennadegoù prezidant Pologn.

Christian Wulff

• 3 a viz Gouere : loc'hañ a ra Tro Frañs 2010 e Rotterdam, en Izelvroioù.
• 30 a viz Mezheven : dilennet eo Christian Wulff da brezidant republik Alamagn, e-lec'h Horst Köhler, en doa roet e zilez.
• 28 a viz Mezheven : evit Lez Vonreizhel Spagn ez a Statud Emrenerezh Katalonia a-enep Bonreizh stad Spagn. Gant se ne c'hall ket ar statud emrenerezh votet gant Katalaned e 2005 ha 2006 bezañ lakaet da dalvezout.
• 24 a viz Mezheven : dont a ra Julia Gillard da vezañ kentañ ministr Aostralia e-lec'h Kevin Rudd, dre ma kemer plas hennezh e penn Strollad al Labour zo o ren ar gouarnamant er vro-hont.
• 20 a viz Mezheven : er vouezhiadeg evit dilenn prezidant ar republik e Kolombia eo bet trec'h Juan Manuel Santos war maer Bogotá, Antanas Mockus.
• 18 a viz Mezheven : marv eo ar skrivagner portugalek José Saramago, en doa bet ar Priz Nobel evit al lennegezh e 1998.
• 18 a viz Mezheven : dizoloet en deus ur skipailh skiantourien etrebroadel e vefe dour e-leizh e kondon al Loar.
• 16 a viz Mezheven : da-heul barradoù glav-pil e departamant ar Var e kreisteiz Bro-C’hall ez eus bet lazhet 25 den gant an dour-beuz.

• 15 a viz Mezheven : en em zigarezet eo Kentañ ministr Breizh-Veur, David Cameron, en anv e c’houarnamant, pa oa bet tennet gant an arme saoz war tud a gemere perzh en ur vanifestadeg e Derry, e Hanternoz Iwerzhon, ha lazhet 14 den divlam, d’ar sul 30 a viz Genver 1972, un devezh a reer anezhañ abaoe ar Sulvezh Gwadek.

Pennad ar miz : Y Wladfa
Y Wladfa, pe Gwladfa Patagonia, eo anv kembraek ur c'hornad eus proviñs Chubut, e Patagonia, en Arc'hantina, e-lec'h ma tivroas un toullad mat a Gembreiz en XIX^vet kantved.
Aet ez eus Kembreiz da sevel kumuniezhioù da vroioù all, Pennsylvania e Stadoù Unanet Amerika, pe Aostralia, met er Wladfa eo emañ ar c'hembraeg en e splannañ.
Kreiz kalon ar Wladfa eo Dyffryn Camwy, traoñienn ar stêr Camwy, anv kembraek ar Río Chubut.

Ar soñj da grouiñ un drevadenn gembraek e Suamerika a voe gant ar pastor Michael D. Jones, ur prezeger brogarour a veve en XIX^vet kantved e Bala, e hanternoz Kembre. Broudañ a rae e genvroidi da vont da sevel "ur Gembre nevez pell diouzh Kembre". Michael D. Jones a dremenas ur pennadig amzer er Stadoù Unanet, met gwelout a reas eno en em lakae an divroidi deuet eus Kembre da gomz saozneg goude ur pennad ha da goll o c'hembreadelezh. Abalamour da se e kinnigas sevel un drevadenn gembraek pell diouzh levezon ar saozneg.

E 1865 e krogas donedigezh Kembreiz da Arc'hantina. Diazezañ a reas ar re gentañ anezho e proviñs Chubut, e kreisteiz Patagonia, ha dreist-holl a-hed an aod.

Ouzhpenn ar strollad brasañ a Gembreiz diazezet e Chubut, e voe savet un drevadenn all e Santa Fe gant 44 C'hembread deuet eus Chubut, hag ur strollad all anezho en em ziazezas e Coronel Suárez e proviñs Buenos Aires.

E deroù ar XXI^añ kantved e save an niver a dud a orin kembreat e Patagonia da 20 000 pe war-dro. Etre 1 500 ha 5 000 anezho a gomz kembraeg c'hoazh ha lañs zo gant ar yezh en-dro, gant kantadoù a dud yaouank ouzh he deskiñ.

Evit kenderc'hel da lenn : Y Wladfa

Ur raktres eus diazezadur Wikimedia eo Wikipedia. Meur a raktres Wiki all, liesyezhek, digoust ha frank a wirioù zo ivez :

				Wikipedia en holl yezhoù
	Wikeriadur geriadur hollvedel		Wikilevrioù oberennoù pedagogel digoust		Wikiarroud dastumad arroudennoù		Wikimammenn levraoueg hollvedel
	Wikispesad meneger ar bev		Wikikeloù mammenn geleier dizalc'h		Wikimedia commons bank roadennoù liesvedia		Meta-Wiki kenurzhiañ raktresoù Wikimedia