Publica dende os
Indy-Pontos
Ante o lamentável espectáculo que um número extremadamente reducido de pessoas estám a dar nos comentarios de autopublicaçom da ferramenta do Centro de Medios Independientes da Galiza (CMI Galiza) a assembleia do colectivo editorial quer manifestar o seguinte:
Asistimos ao emprego pernicioso de umha ferramenta criada para informar de e desde os movimentos sociais da Galiza. Umha ferramenta criada para a informaçom radicalmente aberta, colectiva, horizontal e autónoma está sendo atacada por poucas pessoas (umhas poucas IP’s que se tenhem repetido no tempo) que, ou nom comprendem em absoluto os conceitos de contrainformaçom, anticapitalismo e cooperaçom (e polo tanto seríam fundamentalmente inconscientes no anonimato) ou comprendendo o que fam, som simples provocadorxs. Insultar ou calumniar a colectivos ou pessoas está fora de toda lógica e ética. Máis ainda se falamos de um medio colectivo, social, nom autoritario e anticapitalista.
O motivo de ter habilitados os comentarios ás novas autopublicadas nom é outro que o de facilitar as sugerencias, aportaçons, informaçons e debates em chave Política. O emprego de estes comentarios como armas de difamaçom barata, contaminaçom e ruido é um menosprecio evidente a Comunidade de Usuarixs do CMI Galiza. Graças a esta constante alteraçom da ferramenta (limitada a determinado ámbito de novas) estamos obrigadxs a ter a umha serie de companheirxs fazendo o indesejavel papel de “moderador/a”. Nom somos professionais da contrainformaçom e nom deveríamos estar as 24 horas do día pendentes de borrar comentarios ou novas de pessoas que amparando-se no anonimato atacam a individuos ou colectivos, e com elxs a umha ferramenta contrainformativa comúm dos movimentos, o CMI Galiza. Pesse a todo estamos a estudar sistemas de moderaçom colectiva das novas e comentarios como ferramentas possiveis com as que neutraliçar colectivamente as informaçons maliciosas.
Afirmamos que o lugar último para a confrontaçom de ideias e projectos som as assembleias, eventos e reunións públicas dos colectivos, redes e espaços sociais. Entendemos porem que as áreas de movimento constantemente envoltas em ruidos telemáticos deveríam fazer um chamado a sensatez e ao respeito entre companheirxs. Nós tratamos de ponher o nosso grao de area, pero um melhor emprego da ferramenta so pode vir precedida dum aumento consideravel na responsabilidade dxs usuarixs, assím como das pessoas e colectivos activos do panorama do Pais. A responsabilidade de proteger o comúm deve ser colectiva.
Pedimos desculpas finalmente a aquelas pessoas e colectivos que forom atacadxs e calumniadxs neste medio informativo. Porem rogamos que se nos informe de qualquer nova ou comentario que vulnere os principios básicos de funcionamento do Indymedia Galiza e da Rede Indymedia Global. Para este efecto temos a disposiçom das companheiras usuarixs esta página
Colectivo Editorial do CMI-Galiza
+ info: 12 decembro |13 decembro| 14 decembrobykalimera |+14 decembro|15 decembro:entrevista a compas kalimeras|+15 decembro|15 decembro:audios encontro Reclaim the power|15 decembro:amanhá, asalto final|
Também pódese atopar info válida em língua galega tanto em Altermundo como em Vieiros.Audiolivre pretende ser un arquivo de audios con licencias libres. Os principios que rexirán a selección de contidos serán o anticapitalismo, o antiracismo, o antisexismo, o antimilitarismo, a defensa do medio, o idioma galego e o coñecemento libre.
Audiolivre preséntase en forma de podcast, no que se poden escoitar os audios na rede, ou baixalos cadaquén ao seu computador. A páxina permite facer búsquedas, ou escoller temas da nube de etiquetas. Todos os arquivos de audiolivre están aloxados en archive.org.
Calquera persoa pode rexistrase e subir audios que considere interesantes sempre que respecten os principios enumerados anteriormente. Se queres colaborar no proxecto, facer algún comentarios ou suxerencia, ou simplemente tes un audio e non queres pasar o chollo de subilo podes contactar con nós a través do correo electrónico: audiolivre@arkipelagos.net
MASSÓ, BOUÇAS, AREAL, TEIS, CHAPELA... OS RECHEIOS MATAM A RIA O próximo sábado 14 de Novembro sae à rua pola ria. Contra os recheios, contra a política da Autoridade Portuaria que só pensa em aterrar o mar para especular com o terreno e construir centros comerciais, edificios adminsitrativos, campos de futbol, hoteis, fontes cibernéticas... Contra a corrupta clase política e empresarial que quere obter os máximos beneficios a curto praço sem lhe importar estragar o medioambiente. O sábado temos que sair tod@s à rua e berrar bem forte: GOVERNE QUEM GOVERNE A RIA NOM SE VENDE
Ás 23:00 h continuamos com um concertaço solidario na sala Farándula (Labregos dos Sputnicks,Mor Passtef,Celebration Sound e Selectah in helicopta).Apoia a luita em defessa do territorio! + info
Convoca-se umha assembleia aberta com a intençom de criar em Compostela umha Assembleia contra o Jacobeu. A ideia é agruparmo-nos distintas pessoas durante todo o ano para denunciar publicamente na rua as conseqüências que conleva esta celebraçom para a nossa cidade (e para toda a Galiza): a conversom desta num parque temático, a hiperturistificaçom, a mercantilizaçom cultural, a precariedade laboral, a especulaçom, a presença dos 8100 novos policias, o esbanjamento de dinheiro público, etc...
A cita é a Quarta-feira 18 às 20:30 na biblioteca da Gentalha do Pichel.
Os verdugos deste País procuram aparecer sempre como vítimas. É o caso da presidenta da associaçom supremacista espanhola ‘Galicia Bilingüe’, María Gloria Lago Cuadrado, mediaticamente conhecida como Gloria Lago. A porta-voz habitual da entidade que defende o extermínio definitivo do galego denunciou em 21 de Março na esquadra da Polícia espanhola em Vigo Aurélio L., membro do Foro da Mocidade de Vigo, acusando-o de participar na contestaçom nacional a GB no passado 8 de Fevereiro e em actos de promoçom da língua nacional e rechaço a esta associaçom manejada pola fundaçom fascista FAES, que preside o ex-presidente do governo espanhol José María Aznar. Mas nom ficam por ai as acusaçons da Gloria Lago, a presidenta de "Galicia Billingüe" no seu delírio cínico acusa Aurélio L. dum delito contra o exercício dos direitos fundamentais e as liberdades públicas e doutro de coacçons.
Un frouxo ambiente ás 17:00 h. da tarde na Praza das Conchiñas (quizáis, como un compañeiro senegalés apontaba, porque el*s teñen o costume de comer perto desa hora) foise quentando a ritmos de percusión senegalesa. E con eles, pouco a pouco, a praza foi collendo ritmo coa primeira proposta das coordenadoras das accións da mani: empezaron a verse galegas convertidas en kurdistaníes, senegaleses tornados en galegos, uruguaias en sudanesas,...
Foron quentando os motores da nosa marcha, que partía do corazón dun dos bairros que concentra a maior parte da poboación migrante da cidade da Coruña.
A manifestación foi enchendo a rúa Barcelona coreando o lema “Todas somos... inmigrantes”, e espertaba a curiosidade das veciñas e veciños, moitas delas orixinarias de paises (xeográficamente) lonxanos de asomarse ás fiestras,e aplaudir e sorrir ante os nosos berros.
|Reportagem fotográfica| |Reportagem audiovisual|
Editoriais anteriores:|Convocatória da manifestaçom do 18-O| |Manifesto contra a Reforma da Lei de Extranxería| |Defender migrantes nom é delito| |NOM as deportaçons pola propiedade intelectual|
Multitudinaria manifestaçom a do pasado domingo 18 em Compostela em defensa da nossa língua. Miles de pessoas bloquearom as rúas da cidade numha marcha contra o oscurantismo do ideologema lingüicida do governo Feijoo.
Umha empoderadora demonstraçom popular que logrou reunir desde as multiplas e diversas entidades que se recolhem na Plataforma Queremos Galego até o bloco pola Hegemonía Social do Galego habitado por umha significativa representaçom de colectivos e movimentos de base, assim como Locais e Centros Sociais.
|Reportagem audiovisual da plataforma Queremos galego| |Bloco Galego Sempre Mais:galería de fotos| |Galería de fotos em Vieiros| |Cobertura na TVG| |Reaccións do PPdeG, PSdeG, BNG, Núñez Feijoo, Caamaño e Gloria Lago| |Televisom, manipulaçom| |Reportagem audiovisual:Bloco crítico polo monolingüismo social| |Artigo de opiniom em Galizalivre:Manifestaçom de Compostela confirma a força ascendente dos movimentos normalizadores|
Editoriais anteriores:|18-O: polo monolingüismo social| |Manifesto pela hegemonia social do galego| |A nossa língua em permanente perigo| |Conflito lingüístico na Galiza| |Crónica do 8-F| |Na Galiza em galego|
O passado sábado 17 de outubro, a rede internacional pola Despatologizaçom Trans coordenou umha convocatória global que finalmente se desenvolveu em 38 cidades do planeta. Em Galiza tivo lugar umha intervençom lançada polos colectivos TransGaliza e Maribolheras Precárias na cidade d´A Corunha.
mais info em: STOP PATOLOGIZAÇÃO TRANS 2012