گزشتہ ساتویں قسط میں بات یہاں تک پہنچی تھی کہ‘‘جعفر بھائی کے بعد اب کچھ تذکرہ بھائی سائیں رحمت علی ناتھن شاہی کا کہ شاہی تو نہ جانے انکے نام کا حصہ کیوں ہے کیونکہ رحمت تو ہر سمت سے ہر رخ سے اور ہر مزاج سے فقیر آدمی ہے‘‘

 رحمت علی سٹاک ہوم کی ان فعال شخصیات میں سے ہیں جنکے بغیر بہت سے محافل نامکمل رہتی ہیں۔ رحمت کو عام طور پر سچل سائیں کے نام سے پکارا جاتا ہے اور اسمیں سچل اور سائیں کی دونوں خصوصیات ہیں۔ رحمت کا تعلق پاکستان کے صوبہ سندھ سے ہے جہاں وہ ضلع دادو کے شہر خیر پور ناتھن شاہ میں ہوئی۔ابتدائی تعلیم وہیں سے حاصل کی اور بی ایس سی نواب شاہ سے کی۔ 1978 میں رحمت پاکستان گوتھم برگ آئے اور 1992 تک وہیں مقیم رہے ۔

سیکورٹی فورسز نےدرہ آدم خیل سے ملحق علاقوں میں جرائم پیشہ افراد کے خلاف کارروائی کر کے پینتیس شدت پسندوں کو ہلا ک کر دیا ہے ۔

آئی ایس پی آر کے جاری بیان کےمطابق سیکیورٹی فورسز نے نو مارچ کو درہ آدم خیل سے ملحق پہاڑی علاقوں بلند ،تورچینا اور میر علی میں آپریشن شروع کیا گیا ۔

 عالمی جوہری توانائی ایجنسی کے سربراہ البرادی نے کہا ہے کہ  نیوکلیئر ہتھیاروں‌ پر قبضہ کرنے کے خواہش مند شدت پسند گروہ مستقبل میں دنیا کے لئے سب سے بڑا خطرہ ہوں‌گے۔

آسٹریا میں پارلیمنٹ سے خطاب میں البرادی نے کہا کہ عالمی جوہری توانائی  ایجنسی کو نیوکلیئر ہتھیاروں‌اوران سے متعلق مواد کی حفاظت کے لئے مزید وسائل کی ضرورت ہے کیوں‌کہ اگر شدت پسندوں کے ہاتھ نیوکلیئر ہتھیار لگ گئے تو وہ یقینًاان کا استعمال بھی کریں گے۔

عراق کے دارالحکومت بغداد میں منگل کو خود کش بم دھماکے میں دوصحافیوں اور قبائلی زعماء سمیت تینتیس افراد جاں بحق اورکم سے کم پچاس زخمی ہوگئے ہیں.

بغداد میں عراقی سکیورٹی فورسز کے ترجمان میجر جنرل قاسم موسوی نے بتایا ہے کہ خودکش حملہ آور نے شہر کے مغرب میں واقع ابوغریب میں قبائلی زعماء اور سکیورٹی حکام کے ایک پرہجوم مارکیٹ کے دورہ کے موقع پر خود کو دھماکے سے اڑادیا.

 پاکستان میں حالات و واقعات کا رخ اچانک بدلنے سے مغرب والے ششدر رہ گئے ہیں۔ پاکستان کی حکومت نے حال ہی میں تحریکِ نفاذِ شریعت کے ساتھ گفت و شنید کے بعد مالاکنڈ کے قبائلی علاقے میں شرعی قوانین نافذ کرنے کا معاہدہ کیا ہے جسے مقامی طالبان کی حمایت بھی حاصل ہے۔

شمال مغربی سرحدی صوبے کے وزیرِ اعلی امیر حیدر خان ہوتی نے 16 فروری کو ٹی این ایس ایم کے ساتھ امن معاہدہ طے پانے کا اعلان کیا لیکن ساتھ ہی یہ دعوی بھی کیا کہ شرعی قوانین کے نفاذ کا انحصار علاقے میں امن وامان کی بحالی پر ہے۔

جب اوبامہ امریکہ کے صدر منتخب ہوئے تو ترکی میں تبصرہ نگاروں نے فورا ان کا موازنہ ترک وزیرِ اعظم طیب اردگان سے کرنا شروع کردیا۔ اوبامہ کی طرح طیب اردگان بھی سیاسی طور پر باہر سے آنے والوں میں شامل ہیں۔ وہ عوام میں نچلی سطح تک مقبولیت رکھنے والے رہنما ہیں جنہوں نے اپنی انتخابی مہم میں تبدیلی کا نعرہ لگایا جس کے نتیجے میں عوام نے 2002 اور 2007 میں دو مرتبہ بے مثال کامیابی سے ہمکنار کیا اور وہ کئی دہائیوں کے بعد پہلی بار بننے والی یک جماعتی حکومت کے سربراہ بنے۔

ایران کے دورہ روزہ دورے پرآئے صدر آصف علی زرداری نے تہران میں ایران کے سپریم لیڈر آیت اللہ خمنائی افغانستان اور ایران کے صدور سے ملاقاتیں کی ہیں ۔ اس موقع پر ان ممالک کی قیادت کے ساتھ مختلف شعبوں میں باہمی تعاون خطے کی صورتحال اور دہشتگردی انتہاپسندی کی روک تھام کے امور زیر غور آئے ۔

قبائلی علاقے باجوڑ ایجنسی میں مقامی طالبان کے سربراہ مولوی فقیر محمد نے حکومت اور قبائل کے مابین ہونے والے امن معاہدے کا خیرمقدم کرتے ہوئے اپنے ساتھیوں کو ہدایت کی ہے کہ وہ فوری طورپر تمام سرگرمیاں معطل کر دیں اور معاہدے کی مکمل پاسداری کو یقینی بنائیں۔
دوسری طرف امن معاہدے کے بعد باجوڑ میں تمام بند سڑکیں کھول دی گئیں ہیں جبکہ بازاروں میں کئی ماہ کے بعد پہلی مرتبہ عوام کا رش دیکھنے میں آیا اور لوگوں نے خوشی میں ہوائی فائرنگ بھی کی ہے۔

صوبہ سرحد کے ضلع کوہاٹ میں سیکیورٹی فورسز نے شدت پسندوں کے ٹھکانوں کے خلاف کارروائی کی ہے جس کے نتیجے میں حکام نے پینتیس شدت پسندوں کو ہلاک کرنے کا دعوٰی کیا ہے۔
ایک اعلی فوجی اہلکار نے بی بی سی کو بتایا کہ پیر اور منگل کو کوہاٹ کے مختلف علاقے بلندو، تورچینہ اور میرولی میں سیکیورٹی فورسز نے مشتبہ عسکریت پسندوں کے ٹھکانوں کے خلاف کارروائی کی ہے۔ جس میں ان کا دعویٰ ہے کہ پینتیس شدت پسندوں کو ہلاک کیا گیا ہے۔

حکومت اور حزب اختلاف کی جماعت مسلم لیگ (ن) کے درمیان مفاہمت کی کوشش کرنے والے جمیعت علماء اسلام کے سربراہ مولانا فضل الرحمان کا کہنا ہے کہ فریقین میں اعتماد کی شدید کمی پائی جاتی ہے۔
مولانا نے پہلی مرتبہ فریقین کے درمیان جن مطالبات پر بات ہو رہی ہے اس کی تفصیل بھی بتائی۔
اسلام آباد میں مشیر داخلہ رحمان ملک کے ساتھ صحافیوں سے گفتگو کرتے ہوئے ہوئے مولانا فضل الرحمان نے بتایا کہ صدر آصف علی زرداری اور نواز شریف ایک دوسرے کی شرائط ماننے کو تیار ہیں لیکن طریقہ کار پر اختلافات ہیں۔

انڈین پریمیئر لیگ کے کمشنر للت مودی نے کہا ہے کہ میچ کی تاریخیں تبدیل کرنے میں اس لیے تاخیر ہوئی ہے کہ ابھی ایک ریاست سے میچ کی تاریخوں کی یقین دہانی نہیں مل سکی ہے۔
آئی پی ایل نے پچھلے ہفتے اعلان کیا تھا کہ یہ ٹورنامنٹ اپریل میں ہی ہوگا تاہم اس کی تاریخوں میں تبدیلی کی جائے گی تاکہ کسی جگہ میچ اور عام انتخابات کی پولنگ ایک روز نہ ہو۔

چین اور تھائی لینڈ سمیت دیگر ممالک میں میٹھے پانی کے کچھوں کی طلب میں اضافے کی وجہ سے پاکستان سے ان کچھوں اور ان کے گوشت کی اسمگلنگ میں اضافہ ہوا ہے اور کراچی اس تجارت کا مرکز بن گیا ہے۔
کراچی میں گزشتہ دنوں کوئٹہ سے بذریعہ ٹرین اسمگل کیے گئے پانچ سو کچھوے پکڑے گئے، کچھوں کی یہ قسم کوئٹہ اور آس پاس میں پائی جاتی ہے اور انگور اور سیبوں کے باغات ان کا مسکن ہوتے ہیں۔ محکمۂ جنگلی حیات کے مطابق اس نسل کے کچھوے سندھ کے پہاڑی سلسلے کھیر تھر میں بھی پائے جاتے تھے مگر اب ناپید ہوچکے ہیں۔

صدر پاکستان آصف علی زرداری نے کہا ہے کہ ملک میں جاری سیاسی عمل سے جمہوریت کو کوئی خطرہ لاحق نہیں ہے اور اس طرح کی باتیں ملک دشمن عناصر پھیلا رہے ہیں۔
صدر زرداری کی ایران روانگی سے قبل سرکاری طور پر جاری ہونے والے ایک بیان میں کہا گیا ہے کہ سیاسی عمل میں شامل تمام فریق ملک میں جمہوری نظام کی کامیابی اور اس کے برقرار رہنے کے بارے میں متفق ہیں لہذا اس نظام کو کوئی خطرہ نہیں ہے۔

حکمران جماعت پیپلز پارٹی کے رہنما سینیٹر انور بیگ پارٹی کی خارجہ امور کی رابطہ کمیٹی کی سربراہی سے مستعفٰی ہو گئے ہیں تاہم انھوں نے استعفٰے کی وجوہات نہیں بتائی ہیں ۔
منگل کو سینیٹر انور بیگ نے بی بی سی سے بات کرتے ہوئے پیپلز پارٹی کی خارجہ امور کی رابطہ کمیٹی کی سربراہی سے مستعفی ہونے کی تصدیق کرتے ہوئے کہا کہ وہ سمجھتے ہیں کہ پارٹی میں ان کا ’جتنا کرداد تھا وہ ادا کر چکےہیں۔‘

 پاکستان مسلم لیگ ق نے چیئرمین اور ڈپٹی چیئرمین سینٹ کے عہدوں کے لئے امیدوار نامزد کرنے کا فیصلہ کرلیا۔ چوہدری شجاعت کا کہنا ہے کہ نواز شریف کے بیانات بغاوت کے زمرے میں نہیں آتے۔ مسلم لیگ ق کے ارکان سینٹ اور قومی اسمبلی کا اجلاس چوہدری شجاعت کی زیرصدرات اسلام آباد میں ہوا۔ اجلاس میں چوہدری شجاعت حسین کو چیئرمین اور جان محمد جمالی کو ڈپٹی چیئرمین سینٹ کے عہدوں کے لئے نامزد کرنے کی تجویز دی گئی۔

جنوبی سری لنکا میں ایک بم دھماکہ ہوا ہے جس میں کم سے کم دس افراد کے ہلاک ہونے کی خبر ہے۔ دھماکے میں بیس سے زائد افراد زخمی ہوئے ہیں اور زخمیوں میں کابینہ کے ایک وزیر بھی شامل ہیں۔
سری لنکا میں وزارت دفاع کا کہنا ہے کہ یہ خود کش حملہ تامل ٹائیگرز نے کیا ہے۔ وزارت دفاع کی ویب سائٹ کے مطابق ’ ایل ٹی ٹی ای کے خود کش بمبار نے ماترا ضلع میں گوڈاپیٹیا کی ایک مسجد میں دھماکہ کیا ہے۔‘

وزیراعظم یوسف رضا گیلانی نے کہا ہے کہ وہ صوبہ پنجاب میں گورنر راج کے مخالف ہیں اور چاہتے ہیں کہ جلد از جلد اسے ختم کر کے صوبے میں سیاسی حکومت بحال کر دی جائے۔
تاہم انہوں نے کہا کہ اس بارے میں فیصلہ مسلم لیگ (ق) کو کرنا ہے۔ ’کیونکہ مسلم لیگ (ق) کے پاس فیصلہ کن تعداد میں ارکان صوبائی اسمبلی موجود ہیں۔

ہندوستان کے خارجہ سیکریٹری شیوشنکر مینن پیر کو امریکہ کے دورے پر روانہ ہوئے ہیں جہاں وہ امریکی حکام سے دہشتگردی، جی 20 اجلاس اور ہند امریکہ جوہری معاہدے جیسے مسائل پر بات چیت گریں گے۔
صدر باراک اوبامہ کے عہدہ سنبھالنے کے بعد شیو شنکر مینن کی امریکی حکام سے جن امور پر بات چیت ہونی ہے اس میں ممبئی حملوں کی تفتیش اور لاہور میں سری لنکن کرکٹرز پر ہوئے حملے کے بعد پیدا ہوئی صورت حال بھی شامل ہے۔

سری لنکن سلیکٹرز نے مہیلا جے وردھنے کے مستعفی ہونے کے بعد کمار سنگاکارا کو ٹیم کا نیا کپتان بنانے کا فیصلہ کرلیا ہے ، سنگاکارا رواں سال انگلینڈ میں ہونے والے 20ٹوئنٹی ورلڈ کپ کیلئے ٹیم کی قیادت سنبھال لیں گے۔

آسٹریلوی پاپ میوزک اسٹار کیلی مینوگ بالی ووڈ کی فلم میں کام کرنے بھارت پہنچ گئیں۔آسٹریلوی پاپ سنگر نے ممبئی پہنچے پر میڈیا سے بات چیت میں کہا کہ ان کا طویل عرصے سے خواب تھا کہ وہ بالی ووڈ کی فلم میں کام کریں اور اب فلم بلیو میں کام سے ان کا دیرینہ خواب پورا ہوگیا ہے۔ کیلی مینوگ کا کہنا تھا کہ وہ ہندی نہیں سمجھتیں مگر انہیں ممبئی میں کام کرکے اور لوگوں سے ملک کر بہت لطف آیا۔