basque country's independent media center

argitaratu | faq | editoriala | laguntza | kontaktatu

Azaroak 25, Emakumearenganako Bortxakeriaren Aurkako Nazioarteko Eguna

Indymedia Euskal Herria, 2004-11-24 20:44

1960ko azaroaren 25ak gure oroipenean bizirik dirau.
http://www.lasdignas.org.sv/25noviembre.htm

2004ko azaroaren 25an emakumeok buruz tente ibiltzen gara eta aurrera begiratzen jarraitzen dugu; esku ahurrak zabalik ditugula etorkizunari aurre egiten diogu. Egun honetan gure indarrak berriztatzen ditugu eta EZ altua esaten emakumeok gure ukapenaren iraupena utzi nahi diegu:

femizidioari,
senitarte bortizkeriari,
bortxaketaei,
tratu txarrei,
bahiketei,
gehiegikeriei,
eraso sexualari,
matxismoari,
sexismoari,
eta oinarrizko giza eskubide,
sexual eskubideak eta birsorkarri eskubideak urratzen dituzten eraso guztiei.

Beraz, tolerantzian, egiteko berdintasunean, legezko berdintasunean, baita aukera eta genero berdintasunean ere bizitzen lortu arte tinko borrokatzen jarraituko dugu.

Emakumeonganako bortxakeriaren aurkako Nazioarteko Eguna dela eta, Bilboko Azaroak 25 Plataformak ekintza ugari antolatu du.

[albiste osoa irakurri]

Hemen torturatu egiten da

IndymediaEH, 2004-11-23 19:25

Azken asteotan atxilotutako pertsonek jasan duten inkomunikazioa, berriz ere tortura salaketak ekarri ditu, Torturaren Aurkako Taldeak salatu duen bezala. Judiziotaraketa kriminalaren legeak 120 orduko inkomunikazioak baimentzen ditu, eta horrek tortura susmoak, askotan baiztatutakoak, sortu dituzten itaunketak ekartzen ari da, Amnistia Internazionalek, NBEko Torturaren aurkako errelatoreak, eta CPTek salatu duten bezala.

Egoera hau auzitegi-medikuek, ofiziozko abokatuek, Auzitegi Nazionaleko epaieek, kazetariek eta giza eskubideen ustezko hainbeste zaintzaileek ezagutzen dute, baina ez dute ezertxo ere egiten egoera zuzentzeko. Jasotako azken testigantzak Aitziber Sagarminaga, Gaizka Larrinaga, Andoni Cobos e Izaskun Villanueva-renak dira.

Informazio gehiago: |Gara-ko Dossierra | | Amnistía Internacional| |TAT| |Giza eskubideen Euskal Herriko behatokia|.

[albiste osoa irakurri]

Jardunaldiak: a-n-t-e-n-a-k))))))) + Teknologia berrien eta gizarte-mugimenduak

IndymediaEH, 2004-11-09 00:54

Azaroaren 7tik 14ra Bilbon AmatauTB jardunaldi batzuk (Egitaraua eta textua) antolatu dira, hiria eta Informazio medioen arteko lotura eta hartuemanak eztabaidatzeko. Hiri egitura berrien garai honetan, teknologien ugaltzeak eragindako zenbait fenomenoren azterketa.

Jarnualdi hauekin batera eta gune berean larunbatan, azaroaren 13ean, Amatau TBk, Indymediak eta Metabolik Gizarte Mugimenduak, Komunikazioa eta Teknologi Berriei buruzko tailer eta eztabaidak antolatuko dituzte. Besteak beste, "Sofware libre", komunitate telebistak, cyberkontrola izango dira gaiak baina horretaz gain, Hacklabek eta teknologia berrian dauden hainbat Euskal Herriko taldeek lehenengo asanblada ospatuko dute.

[albiste osoa irakurri]

Apartheidaren harresiaren aurka / Euskal Herria-Palestina Elkartasuna

IndymediaEH, 2004-11-08 16:42

Azaroaren 9an Palestinako Apartheid Haresiaren Aurkako Nazioarteko Eguna da. Pasa den asteburutik hasi ziren protestak eta elkartasun ekintzak, baina bihar Euskal Herria osoan ere, hainbat ekintza eta protestak burutuko dituzte herrialde guztietan.

Harresia ez ezezik, Israelek herri eta lurralde palestinarraren aurka darabilen politika genozidaren aurpegi guztiak ere salatu nahi dituzte mobilizazioak antolatu dituzten taldeek. Harresiaren suntsiketa; errefuxiatuek itzultzeko duten eskubidea errekonozitzea; Israel berehala atera dadila 1967an okupaturiko lurretatik, baita Jerusalen ekialdetik ere; Kolonoen asentamenduen eraispena eta estatu palestinar burujabe, demokratiko eta bideragarri baten errekonozimendua izango dira biharko aldarrikapenak.

Hauek dira biharko, azareoaren 9an, deialdi batzuk:

1. Iruñean, 19:30etan Sarasate pasealekuan konzentrazioa
2. Donostian, 19:30 Bulebarrean konzentrazioa
3. Bilbon, 19:30etan plaza Zirkularrean konzentrazioa eta egunean zehar ekintza ezberdinak (bideo emanaldiak, erakusketak....)
4. Gasteizen, AZAROAREN 20an, 13:00etan korreosen konzentrazioa

[albiste osoa irakurri]

Euskal Herriko Gizarte Foroa

Indymedia Euskal Herria, 2004-11-02 12:41

Duela ilabete Europako Foro Soziala eta EFSaz haratago: Gune Autonomoa ospatu ostean Euskal Herriko Foro Sozialaren II Topaketen txanda zen.

Euskal Herriko Gizarte Foroa, Munduko eta Europako Foro Sozialen adierazpen lokal bezela jaio zen. Herri mugimenduaren marko komun gisa bere helburua "taldeen arteko harremanari, eztabaidari, esperientzien elkar trukaketari eta nagusia den sistemaren aurkako salaketa integralak egiteari, zein alternatiba eta ekimen komunak osatzeari" bide ematea da. Era berean "bere jardueran aniztasuna, horizontaltasuna eta bildutakoen partehartzea bermatuko du. Hori dela eta, egitura hierarkikoak saihestuko direlarik".

EHGFaren lehenengo topaketa Gaizteizen egin zen 2003ko ekainaren 27 eta 29 artean. [Dossierra]

Zenbait hilabeteko lanaren ostean sortuak ziren jada EHGFaren II. Topaketako gai-ardatz, tailer eta mintegi ezberdinak. Topaketaren lekua eta data ere aukeratuak zeuden: Bilbon Azaroaren 12tik 14ra. Ilabete baina gutxiago falta denean ordea, EHGFaren idazkari lana egiten duen Joxemi Zumalabe Fundazioak Topaketak bertan behera gelditu direla iragarri du publikoki. Bilbon urriak 23an egindako azken batzarrean zenbait ezadostasun agerian geratu ondoren. Liskar hauek elkarrenganako mezfidantza sortu zuten eta EHGF beti iristen saiatu den adostasunari eragin zion.

Guzti honek eztabaida gogorrak sortu ditu [Eztabaida: 1 + 2 + 3 + 4 + 5 + 6] eta Europako Gizarte Foroaren ostean sortutako beste eztabaida batzuekin batera, prozesu hauei buruzko hausnarketa bat egitera behartu behar gaitu, noraino irits daitezkeen eta beraien denborak...

Eztabaida garratz honen erdian, zenbait erakundek uste dute Foroaren ospakizuna dela eta sortutako ekimenak ezin direla geratu eta antolatuak zituzten mintegi eta tailerrekin aurrera jarraitzea erabaki dute.

Era berean eztabaida eta Foroaren prozesuak irekita jarraitzen du, konfidantzazko krisi garrantzitsu bat dagoela argi geratu den arren eta honek, egitasmo honekin itxaropentsu aurrera jarraitzeko prest daudenen eta guztiz desenkantatuak sentitu direnen arteako banaketa areagotu duen arren. Denborak esango du zenbatekoa den banaketa hau.

[albiste osoa irakurri]

Okupazio mugimenduak aurrerantz jotzen du

Indymedia Euskal Herria, 2004-10-28 18:13

Azken denboraldi honetan, okupaziaren mugimendua inoiz baino indartsuago eta biziago dagoela erakusten ari da. Udaletxeek ekintza alternatiboak garatzeko lokalak eta lekuak botatzen ari dira hainbat tokitan baina bizi, bizi gara.

Gaztetxeak edonori bere ateak irekitzen dizkioten gune autogestionatuak dira. Gazteak, zaharrak, emakumeak, gizonak, beltzak, horiak... kolore eta pertsona guztiak kabitzen dira Gaztetxetan. Behar beharrezkoak dira gure herri eta hiriko auzoetan; udalerriko instituzioek, aldiz, gehienetan indarkeriaz eta errepresioaz erantzuten diete Gaztetxetan bultzatzen ditugun ekintzei (antzerkia, kontzertuak,eztabaidak, tailerrak...).

Azken hilabetetan, kanporatzeak eta klase guztietako erasoak bizi gara Algortako Gaztetxean, Erromon, Zorrotzan, Iruñean eta baita ere oraindik mehatxatuta jarraitzen duen Santutxuko Sorgintxulon.

Azken erasoa Iruñako Tximista Gaztetxean pairatzen ari gara. Etxeak 20 urte baino gehiago darama utzita eta orain 250 etxe baino gehiago eraiki nahi dute bertan lekuarekin espekulatzeko. Hala eta guztiz ere, udal poliziaren jarduerak eta mehatxuak ez du lortu proiektua zapaltzea, eta gazteek Tximista Gaztetxean dihardute.

Hori dela eta, pairatutako erasoei erantzuteko asmoz eta Gaztetxe zein proiektu autegestionario guztiak defendatzeko, urriaren 29an, ostirala, iluntzeko 8:30etan Bilboko "Bihotz Sakratutik" abiatuko da Bizkaiko Gaztetxe eta Gazte Asanbladetako deitutako MANI+FESTA+AKZIOA.

:: Zipaioek Bilboko manifa zapuztu dute + Atxilotuak eta zaurituak ::

Informazio gehiago:
Sorgintxulo [Erresintentzia: eusk/cast + Asteko egutegia] + Atarrabia + Euskal Jai + Okupamugi Boletina

[albiste osoa irakurri]

Sorgintxulo gaztetxea desalojo mehatxupean

Sorgintxulo, Indymedia Euskal Herria, 2004-10-18 01:44

Sei urtez Santutxuko gazteak kezkak eta proiektuak gauzatzeko asanbladaz kudeatutako gune bat dute. Sistemak bere kontroletik kanpo dagoen guztiarekin akabatu nahi du. Desalojo mehatxuari erantzuteko Sorgintxulon bost hilabete bete dute 24 orduko txandak egiten. Urriaren 14.ean udaltzainak agertu eta gaztetxekoei bost eguneko epea eman zieten gaztetxea husteko.

Honen aurrean, Sorgintxulokoek autogestio eta asanbladaren bidetik aurrera jarraituko dutela eta zilegitasun osoz bizieredu honen oinarria den lokala bizirik mantenduko dutela esaten dute. Egunero mobilizazioak eta ekimenak egiten dituzte.

Hainbat elkarte eta pertsonek osatzen duen Sorgintxulo Karmelon! plataformak 110 baino atxikimendu gehiago lortu ditu. Larunbatean prentsaurrekoa egin zuten. Eta astelehenean deitutako manifestaldi jendetsua izan da Santutxun. (argazki gehiago)

Asteartean, udaltzaingoak lokaletik ateratzeko eman zieten epea bukatu zen. Beraz, asteazkenean goizeko 7etatik aurrera indar erakustaldira deitzen zuten. Ekintza ugari egin zituzten GOIZEZ (txokolatada, jokuak, kontzentrazioa,...) eta ARRATSALDEZ (poesia emanaldia, kalejira,...). Koska eta Irola Irala irrati libreak jarraipen berezia egin ziotelarik.

"Orain da Sorgintxulo gaztetxea defendatzeko momentua, kalera ateratzeko eta gurea dena lapurtzen ez uzteko momentua."

[albiste osoa irakurri]

AEBetako agindu federal baten bitartez, Indymedia Euskal Herriak erabiltzen zuen zerbitzarietako bat eraman dute

Indymedia Euskal Herria, 2004-10-07 22:50

Urriak 14 - 01:00h Komunikatu berri bat

Urriak 13 - 18:00h: Disko gogorrak itzuli berri dituzte.

Urriak 8 - 01:00h: Webgunea laur orduz kanpoan egon ondoren berriz martxan dago Indymediak duen talde teknikoari ezker.

Urriak 7 - 20:00h: Operazio honen ondorioz erori diren indymedia guneen zerrenda: Ambazonia, Uruguay, Andorra, Polonia, Western mass, Radio, UK, Antwerpen, Nice, Nantes, Lille, Euskal Herria, Liege, Oost-vlaanderen, Belgrade, West-vlaanderen, Portugal, Prague, Marseille, Galiza, Germany media, Italia eta Brasil

Bertan omen zeuden Indymedia Nantesek argitara eman omen zituen Suizako polizia batzuen argazkiak. Indymediak erabiltzen zuen zerbitzari honekin batera, Belgika, Afrika, Erresuma Batua, Uruguay, Brasil eta Palestinako hainbat zerbitzari itxita geratu dira. Gaur, ostegunean, urriak 7, FBIk agindu federal luzatu egin dio Rackspace AEB eta Erresuma Batuan kokatuta dagoen Indymediari zerbitzua eskaintzen dion entrepresari, non disko gogorrak eskatzein zizkion. Hain epe laburretan eman den agindua, Rackspace arduradunak ia denborarik ez dutela izan eta zuzenean FBIri disko gogorrak eman dizkio.

[albiste osoa irakurri]

Eskola bidez ume eta gazte guztiek euskalduntzeko duten eskubidearen aldeko kanpaina abian

Euskal Herrian Euskaraz/ Indymedia Euskal Herria, 2004-10-07 16:47

Ostegunean, arratsaldeko 6etan Bilboko La Bolsan, irakaskuntza eta euskalgintzako hainbat erakundek bultzatutako Eskolak Euskaldundu behar du kanpainaren aurkezpena egingo da.

Hiru urtetan zehar zabalik dagoen ildo honetan, eskola bidez ume-gazteek euskara ezagutzeko duten eskubidea aldarrikatuz. Aurtengoa, Urrian hasi eta Otsaila bitartean, hiru ardatzetan oinarrituko da kanpaina:

-Dagoen egoeraren errealitatearen azalpena: ume-gazteen % 62ri euskara ezagutzeko eskubidea ukatu egiten zaie -Egoera bidegabe honi irtenbidea planteatzen dion ? euskara ezagutzaren bermerako proposamena? herriz herri ezagutzera eman. -Bidegabekeri honen salaketa eta konponbidea eskatzeko MOBILIZAZIOAK hiru administrazioen aurrean: Gasteiz, Iruñean eta Baionan.

AEK, EHIGE, EHE, Kontseilua, Euskal Konfederazioa, Ikasle Abertzaleak, Euskal Herriak Bere Eskolak, LAB, Sortzen- Ikasbatuaz.. dira, besteak beste, ildo honen bultzatzailea.

[albiste osoa irakurri]

ERRAUSKETEN AURKAKO OPOSIZIOA GIPUZKOAN

Euskal Herria Indymedia / Txingudi bizirik, 2004-09-17 21:14

"Erabili eta Bota" kontzeptuan oinarritzen den gure gizartean sortzen dugun zaborra edota hirietako hondakin solidoen ezabapenaren arazoa, betidanik hiritarren arteko hika-mikak sortu ditu, azken finean guk geuk garelako hondakin hauen sortzaileak eta politikarien eskuetan uzten baita ezabapenaren kudeaketa. Aitzitik, Instituzioen hildoa leku guztietan oposizioa berpiztu duen alternatibaren inposiziotik dugu, hau da hondakinen errausketa. Horrela gertatu zen Bizkaian bertan instalatu den hondakinak gas naturala eta fuel oil bitartez erretzen duen zentral termikoa. Zentral honek Zabalgarbi izenpean mozorroturik agertzen zaigu.

Eta ez dirudi Gipuzkoako instituzioek estrategia hau aldatuko dutenik. Hori horrela, lurralde honetarako bi planta aurreikusten dute, bat Gaintxurizketan, Hondarribian, Txingudi Patzuergoa proiektua (Irun, Hendaia eta Hondarribia) eta beste bat Aritzetan, Donostian, San Marcos Mankomunitatearen proiektua (Oarso Donostialdea).

Bi planta eta, orokorki, errausketa metodo bezala sortu duten oposizioa polvora bezala zabaldu da orain dela urte bat, 2003an aurkeztu baitzen Gaintxurizketa planta eta sei hilabete beranduago, Kokapena Gipuzkoako hainbat hirien artea zozketatu ondoren Aritzeta-Donostian erabaki zen. Oso hilabete gutxitan oso eztabaida gogorra eman da komunikabideetan instituzioen eta errausketen aurkako plataformen artean, horretaz gain hainbat manifestaldi ospatu dira, Irunen eta Lasarten hasita, gero Donostian haundiagoak ziren beste bi ospatu ziren hilabete batean.

[albiste osoa irakurri]

Palestinako presoak Elkartasuna

Indymedia Euskal Herria, 2004-09-04 11:41

Irailaren 4 a Israeleko ziegetan giltzapean dauden preso palestinarrei elkaratasuna adierazteko nazioarteko eguna da.

3.500 preso politiko inguru dira israeldar gobernu sionistaren politika errepresibo eta jazarpena sufritzen dutenak. Nazioarteko legeak eta giza eskubideen oinarrizko printzipioak sistematikoki zapaltzen dituen gobernu honi zera eskatzen diote presoek: tortura eta tratu txarrak desagerraraztea; jipoi eta umiliazioak; amaigabeko inkomunikazioak eta atxiloketa indiskriminatuak... Zerrenda luzeagoa da, horregatik hasi zuten abuztuaren 15ean gose greba palestinar eta arabiar-israeldar preso politikoek.

Protesta hau momentuz eten duten arren, mobilizaioek bere horretan jarrai dezaten eskatu dute eta esan dute negoziazioak bide okeretik baldin badoaz berriro ekingo diotela grebari. Hau dela eta, larunbat honetan hainbat deialdi ezdeberdin daude nazioartean. Euskal Herrian ere mobilizazioak daude hiriburu guztietan gizarte mugimendu, sindikatu eta alderdi politikoek deituta.

[albiste osoa irakurri]

GLF (Genoako Lege Foroa)aren Finantziazio Kanpainarako deia

Indymedia Italia / Indymedia Euskal Herria, 2004-07-28 23:28

Izan ahal zara inoiz Genoan?

Hiru urte igaro dira 2001eko uztaileko zorigaiztoko egun haietatik, baina guk ez dugu egun haietan gertatutakoa ahantzi. Egiazki gertatu zena eta erantzunkizunak norenak diren argitzeko prozesu judizialek martxan darraite oraindik. Gaur arte inor ez da epaitua izan Carlo Giulani erahiltzeaz akusatua, ofizialki ez dago Diaz eskolaren suntsipenaren arduradunik nahiz eta sobera argi geratu den poliziak froga faltsuak sortu zituela eta beren deklarazioak zehaztugabeak agertu izan direla. Prozesu hauek fase garrantzitsu batean aurkitzen dira orain.

Ekainaren 26an eta aurretiko audientziekin bat etorriaz, ordena indarren bortizkeriaren salaketa sistematiko baterako ere baliagarri izango den instrumentu bat emateaz arduratu da Indymedia Italia. Horrela, ekainetik hasita, kolektibo honetako zenbait lagun eta hamarnaka bolondres defentsa legala erraztuko duen gertaeren artxiboan ari dira lanean. Ikerkuntza lan honekin batera dirubilketa kanpaina bat abiatu dute behar tekniko eta materialei aurre egiteko asmoz.

Informazio gehiago :: Gaztelaniaz + Italieraz + Indymedia Italia ::

[albiste osoa irakurri]